ABŞ Dövlət Departamentinin rəsmi nümayəndəsi Con Kirbi hüquq müdafiəçisi Emin Hüseynovun işi ilə bağlı bəyanatla çıxış edib.
“ABŞ Azərbaycan hökumətinin Emin Hüseynovun ölkəni sağ-salamat tərk etməsinə imkan verən qərarını alqışlayır”, deyə bəyanatda bildirilir.
Reportyorların Azadlıq və Təhlükəsizlik İnstitutunun rəhbəri Emin Hüseynov keçən ilin avqustundan İsveçrənin Bakıdakı səfirliyində gizlənirdi.
“Avropa Oyunlarının başlanğıcı ilə eyni vaxta təsadüf edən bu addıma sevinsək də, Azərbaycan hakimiyyətini bu xoş məramı digər vətəndaş cəmiyyəti fəallarına – Leyla və Arif Yunuslara, İntiqam Əliyevə və səhhəti pisləşməkdə olan digər şəxslərə qarşı da davam etdirməyə çağırırıq.
Biz həmçinin İsveçrə səfirliyinə Hüseynova uzun müddət göstərdiyi dəstək və köməyə görə təşəkkür edirik”, deyə bəyanatda qeyd edilir. -02D-
Siyasət
-
Dövlət və hökumət başçıları COP29 iqlim konfransında iştirak etmək üçün Bakıya gəlməyə davam edirlər.
-
Çərşənbə axşamı dövlət katibi Entoni Blinken təyyarədən Türkiyənin xarici işlər naziri Hakan Fidana zəng edərək Yaxın Şərq və Cənubi Qafqazı müzakirə edib, səfər zamanı dövlət katibini müşayiət edən Turan-ın müxbiri bildirib.
-
BBC: BMT-nin Beynəlxalq Ədalət Məhkəməsi (ICJ) Azərbaycan və Ermənistanın qarşılıqlı iddialarını araşdırmağa razılaşıb. Hər iki ölkə bir-birini Dağlıq Qarabağdakı vəziyyətlə bağlı Bütün Formalı İrqi Ayrı-seçkiliyin Ləğv Edilməsi haqqında Beynəlxalq Konvensiyanı pozmaqda ittiham edir.
-
"Azərbaycan və Ermənistandan olan bir qrup hidroloq və mühəndis bizim fəal dəstəyimizlə transsərhəd çaylar üçün inteqrasiya olunmuş su idarəçiliyi sxemi üzərində birgə işləyir", bu barədə noyabrın 12-də ABŞ-ın Azərbaycandakı səfiri Mark Libbi X sosial şəbəkəsindəki hesabında yazıb.
Rəy yaz