Dövlət Departamenti Fərid Mehrəlizadənin həbsindən narahatdır və Azərbaycanı haqsız yerə tutulanları azad etməyə çağırır

Çərşənbə günü Amerika Birləşmiş Ştatları Azərbaycan hökumətinə "haqsız olaraq tutulan bütün şəxsləri dərhal azad etmək, insan hüquqlarına və əsas azadlıqlarına hörmət etmək" çağırışını təkrarlayıb, Dövlət Departamentinin nümayəndəsi Azərbaycanda vətəndaş cəmiyyətinin digər fəalının həbsinə belə reaksiya verib.

Tanınmış iqtisadi şərhçi və jurnalist Fərid Mehralizadə  “Abzas Media” nəşrinin işi üzrə hökumətin davam edən repressiyaları çərçivəsində ötən həftənin sonu saxlanılıb.

Eyni zamanda, Mehrəlizadənin özü və bu xəbər nəşri hər hansı bir əlaqəni inkar edirlər.

Brifinq zamanı Dövlət Departamentinin nümayəndəsi Metyu Miller Vaşinqtonun Mehrəlizadənin həbsinə reaksiyası ilə bağlı Turan-ın sorğusuna  cavab olaraq bildirib ki, Vaşinqton "Azərbaycan vətəndaş cəmiyyəti üzvlərinin davam edən həbslərindən çox narahatdır".

"İfadə azadlığı da daxil olmaqla, öz əsas azadlıqlarından istifadə edənlər buna görə həbs olunmamalıdırlar", - Miller deyib.

"Biz Azərbaycan hökumətini haqsız saxlanılan bütün şəxsləri dərhal azad etməyə və hər kəs üçün insan hüquqlarına və əsas azadlıqlara hörmət etməyə çağırırıq", - o vurğulayıb.

Jurnalistləri Müdafiə Komitəsinin məlumatına görə, son aylarda Azərbaycan müstəqil KİV-ə qarşı repressiyalara yenidən başlayıb, “Abzas Media”, “Kanal 13”  və “Toplum” TV nəşrlərindən ən azı 12 jurnalisti korrupsiya ilə bağlı reportajlarına görə saxlayıb.