Dövlət Departamentinin kibertəhlükəsizlik üzrə nümayəndəsi: "ABŞ Ukraynanın hüdudlarından kənarda rusiyalıların kiberhücumlarını "müşahidə etməyib"

Bakı/07.10.22/Turan: Cümə axşamı Bayden administrasiyasının baş kiberdiplomatı bildirib ki, Birləşmiş Ştatlar rusiyalıların Ukraynanın hüdudlarından kənarda istifadə etdikləri kibernetik alətlərin səbəb olduğu eskalasiyanı "müşahidə etməyiblər", -Turan-ın Vaşinqton müxbiri bildirib.

“Biz hələ ki rusların Ukraynanın hüdudlarından kənarda kibervasitələrdən  istifadə etməsilə dolayı eskalasiya görməmişik”, -Dövlət Departamentinin yeni yaradılmış Kiberməkan və Rəqəmsal Siyasət Bürosunun rəhbəri, yeni təyin olunmuş xüsusi tapşırıqlar üzrə səfir Neyt Fik mətbuat üçün gündəlik brifinq zamanı Turan-ın müxbirinə bildirib.

“Zənnimcə, Ukraynanın daxilində, əslində Rusiya kiberaktivliyinin müəyyən dərəcədə zərərli səviyyəsi olub, ən azı  həyata keçirməyə cəhd etdiklərinin”, - o deyib.

"Və mən düşünürəm ki, bunun rusların ümid etdiyi təsirə malik olmamasının səbəblərindən biri proqram və aparat təminatı təchizatçıları arasında sərt əks- əlaqə tsiklilə bağlıdır. Belə təchizatçılarda ABŞ, Ukrayna və NATO hökumətləri ilə tərəfdaşlıq şəraitində Ukraynada yerləşdirdikləri avadanlıq var ki, bu da əks- əlaqə tsiklini sürətləndirməyə imkan verir”, - o jurnalistlərə deyib.

Aprel ayında Büro fəaliyyətə başladığı vaxtdan Fik onun tarixində ilk xüsusi tapşırıqlar üzrə səfir olacaq. Büro kiberməkan və yeni texnologiyalarla bağlı beynəlxalq məsələlərin həlli üçün yaradılıb. Onun üç siyasi bloku var: kiberməkanda beynəlxalq təhlükəsizlik, rəqəmsal azadlıq və informasiya və kommunikasiya sahəsində beynəlxalq siyasət.—0—