![Açiq mənbələrdən foto.](https://turan.az/resized/750/500/resize/media/2023/main/081800065562.webp)
Açiq mənbələrdən foto.
Dövlət Komissiyası işğaldan azad edilmiş ərazilərdə tapılan 15 nəfərin qalıqlarını identifikasiya edib
Bakı/18.08.23/Turan: İstintaq və ekspertiza zamanı erməni işğalından azad edilmiş ərazilərdə kütləvi məzarlıqlarda qalıqları aşkar edilmiş 15 nəfərin şəxsiyyəti müəyyən edilib.
Bunu cümə günü keçirdiyi brifinqdə Əsir və itkin düşmüş, girov götürülmüş vətəndaşlarla əlaqədar Dövlət Komissiyası İşçi qrupunun rəhbəri İsmayıl Axundov deyib.
O, əksəriyyəti müxtəlif illərdə erməni əsirliyinə düşmüş Azərbaycan hərbçiləri olan bu şəxslərin adlarının siyahısını təqdim edib:
İbrahimov Vəliəddin; Abdullayev Nurəli; Qurbanov Nofəl; Rüstəmov Araz; Abbasov Məhərrəm; Niftəliyev Adil; Qarayev Qafar; Hüseynov Əli; Hüseynov Gülverdi; Mikayılov Baba; İsayeva Sənam; Əzizov Yusif; Musayev Mehman; Allahverdiyev Şəmsəddin; Məmmədov Əsəd.
Xatırladaq ki, kütləvi məzarlıqlar bir neçə yerdə aşkar edilib.
Sonuncu məzarlıq 1992-ci ilin mayından 2020-ci ilin noyabrınadək ermənilərin nəzarətində olan Şuşa həbsxanasının ərazisində tapılıb.
Bütün bu illər ərzində Şuşa həbsxanasında yüzlərlə azərbaycanlı məhbus saxlanılıb.
Erməni işğalından azad edilmiş digər yerlərdə kütləvi məzarlıqlarda tapılan digər şəxslərin qalıqlarının identifikasiya edilməsi istiqamətində işlər davam etdirilir. --0--
-
- Cəmiyyət
- 18 Avqust 2023 16:22
Siyasət
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
Rəy yaz