DQB strukturlaşır

Açıq Cəmiyyət Partiyasının qərargahında partiya sədri Sülhəddin Əkbərin sədrliyilə Demokratik Qüvvələr Birliyinin (DQB) iclası keçirilib. 

İclasda mövcud ictimai-siyasi durum, DQB-nin vəzifələri, Avropa Parlamentinin Azərbaycanda prezident seçkilərində monitorinq aparıb-aparmayacağı ilə bağlı məsələnin aydınlaşdırılması və cari məsələlər müzakirə edilib. 

Toplantıda ölkədə seçkiöncəsi durum hərtərəfli təhlil edilərək qiymət alıb və DQB-nin yaxın vəzifələri barədə geniş fikir mübadiləsi aparılıb. Eyni zamanda, Aİ-nin Azərbaycan nümayəndəliyinə Avropa Parlamentinin Azərbaycanda keçiriləcək prezident seçkilərində monitorinq aparıb-aparmayacağı ilə əlaqədar sorğu göndərilməsi qərarı verib.

İclasda DQB-nin xarici əlaqələrinin gücləndirilməsi məqsədilə xüsusi qrupun yaradılması məqsədəuyğun hesab edilib. Sonda DQB-nin daxili iş qaydasının müəyyənləşdirilməsi məqsədilə reqlament layihəsinin hazırlanması qərara alınıb.

Demokratik Qüvvələrin Məşvərət Məclisi 2012-ci ilin sentyabrında təsis edilib, quruma 12 partiya daxildir. Əsas məqsəd seçkilərdə bilrik formatında iştirak etmək olub. Bu günlərdə xüsusi toplantı keçirən qurum özünü Demokratik Qüvvələr Birliyi (DQB)  kimi yenidən elan edib.-05D-