Açiq mənbələrdən foto.
Bakı/18.04.22/Turan: Dünya azərbaycanlılarının V qurultayı Azərbaycanın mədəniyyət paytaxtı Şuşa şəhərində keçiriləcək. Bu barədə aprelin 18-də Diasporla İş üzrə Dövlət Komitəsinin yaydığı məlumatda bildirilir.
Eyni zamanda, tədbirin dəqiq tarixi göstərilmir, sadəcə, forumun apreldə keçiriləcəyi qeyd olunur.
Qurultay nümayəndələri əvvəlcə Bakıda toplaşacaq, sonra Şuşaya gedəcəklər. Tədbirdə dünyanın 65 ölkəsindən 400-ə yaxın diaspor nümayəndəsinin iştirakı gözlənilir.
Rəsmi mərasimdən sonra Diasporla İş üzrə Dövlət Komitəsinin fəaliyyətinə dair hesabat təqdim olunacaq, sonra “Postmüharibə dövründə Azərbaycan diasporunun qarşısında duran vəzifələr”, “Qarabağın bərpası və yenidən qurulmasına Azərbaycan diasporunun töhfələri” mövzularında müzakirələr aparılacaq.
Qeyd edək ki, dünya azərbaycanlılarının birinci qurultayı 2001-ci il 9-10 noyabr, ikinci qurultay 2006-cı il 16 mart, üçüncü qurultay 2011-ci il 5-6 iyul, dördüncü qurultay 2016-cı il 3-4 iyun tarixlərində keçirilib.
İndiyədək bütün qurultaylar Bakıda keçirilib. -05D
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz