![Dünya Miyatoviç dəhşətə gəlib](https://turan.az/resized/media/2014/main/051600078751-750-500-resize.webp)
Dünya Miyatoviç dəhşətə gəlib
ATƏT-in media azadlığı üzrə nümayəndəsi Dunya Myatoviç jurnalist Pərviz Həşimlinin 8 il müddətinə həbs olunması ilə bağlı narahatlığını bildirib.
“Mən bu məhkəmə qərarından dəhşətə gəldim və hakimiyyəti media təmsilçilərini susdurmaq üçün onları həbsxanaya atmağı dayandırmağa çağırıram”, - o bildirib.
“Hazırda Azərbaycanda 10-dan çox media üzvü həbsxanadadır, ya məhkum olunub, ya da məhkəməsini gözləyir. Bu, mənim ofisim yaradılandan bu ölkədə müşahidə edilən ən böyük rəqəmdir. Bu narahatedici cərəyan araşdırıcı jurnalistikanı çəkindirir, hədə və qorxu mühiti yaradır”, - Mijatović vurğulayıb.
Bu yaxınlarda Azərbaycanda həbs olunan jurnalistlərdən Azadxeber.org informasiya saytının redaktoru Nicat Əliyev narkotik maddə saxlamaq da daxil olmaqla müxtəlif ittihamlarla 10 il müddətinə həbs olunub;
“P.S. Нота” qəzetinin redaktoru Sərdar Əlibəyli xuliqanlıqda ittiham olunaraq 4 il müddətinə azadlıqdan məhrum edilib;
Müstəqil bloger Rəşad Ramazanov qanunsuz narkotik maddə saxlamaqda və satışında təqsirli bilinərək 9 il azadlıqdan məhrum edilib;
Onlayn fəalları, blogerlər Əbdul Əbilov və Ömər Məmmədov narkotik maddə saxlamaqda və satışında ittiham olunublar.
“Zerkalo” qəzetinin jurnalisti Rauf Mirqədirov dövlətə xəyanətdə ittiham olunub.
D.Miyatoviç “Azadlıq” radiosunun müxbiri Xədicə İsmayılovaya təzyiqlərin davam etdiyini qeyd edib.
Nəhayət, dünən Bakıda fransalı jurnalistlər, Premieres Lignes teleşirkətinin əməkdaşları Loran Rişar və Emmanuel Bakın saxlanması barədə xəbər daxil olub. Onların qeydləri götürülüb və onları ölkəni tərk etməyə məcbur ediblər. Rişar və Bak Fransa prezidenti Fransua Ollandın Bakı səfərini işıqlandırıblar, həmçinin ölkə iqtisadiyyatı və insan hüquqlarının vəziyyətinə dair reportaj hazırlayıblar.-16D-
-
- Siyasət
- 16 May 2014 11:47
-
- Bazarların icmalı
- 16 May 2014 13:00
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz