![E.Behbudov MTN ətrafındakı hadisələrlə bağlı mətbuat konfransı keçirib](https://turan.az/resized/750/500/resize/media/2015/main/102300134004.jpg)
E.Behbudov MTN ətrafındakı hadisələrlə bağlı mətbuat konfransı keçirib
İşgəncələr Əleyhinə Azərbaycan Milli Komitəsinin sədri, hüquq müdafiəçisi Elçin Behbudov cümə günü öz ofisində MTN ətrafında baş verən hadisələrlə bağlı mətbuat konfransı keçirib.
Onun sözlərinə görə, mətbuat konfransı keçirməsinə səbəb istefada olan keçmiş MTN əməkdaşlarının müraciəti olub. O qeyd edib ki, keçmiş əməkdaşlar son günlərdə MTN-də baş verən hüquq pozuntularına görə internet resurslarda, sosial şəbəkələrdə bütün nazirliyin təhqir hədəfinə dönməsinə etiraz bildiriblər. “MTN bir neçə generaldan ibarət deyil, bu qurumda xalqına sədaqətlə qulluq edən minlərlə insanlar olub, indiki halda son hadisələrlə bağlı cəmiyyətdə kimlərəsə olan mənfi münasibəti bütünlükdə nazirliyə transfer etmək ədalətli deyil”, - deyə E.Behbudov keçmiş MTN əməkdaşlarının etirazlarını çatdırıb.
Eyni zamanda keçmiş əməkdaşlar vətəndaşları bu məsələdə ayır-sayıq olaraq, sıradan bir qurum haqqında yox, dövlətin bel sütunu olan qurum barəsində danışdıqlarının fərqində olmağa dəvət ediblər. Onlar internet saytlarındakı yazıların ölkəyə düşmən qüvvələrin də diqqət mərkəzində olduğunu nəzərə almağı vacib sayıblar.
Keçmiş əməkdaşlar adından danışan E.Behbudov internet resurslarda MTN-in ünvanına olan təhqirləri dayandırmaq üçün hüquq-mühafizə orqnalarına müraciət göndərəcyəini də bəyan edib.
“Turan”ın müxbirinin MTN-də baş verən son hadisələri necə dəyərləndirməsi sualına cavabında hüquq müdafiəçisi bu məsələdə dövlət başçısının mövqeyini dəstəklədiyini bildirməklə kifayətlənib. -05D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz