• contact.az Contact
  • Bakı
  • Overcast70 C
  • Cümə axşamı, 16 Yanvar 2025
    • flag_EN
    • flag_RU

Son yenilənmə

(3 saat əvvəl)
Əbülfəz Elçibəy xüsusi imtiyazları israfçılıq sayırdı
A- A A+
EN RU
Turan İnformasiya Agentliyi
Turan İnformasiya Agentliyi

Əbülfəz Elçibəy xüsusi imtiyazları israfçılıq sayırdı

Bu il iyunun 24-də milli-azadlıq hərəkatının lideri, Azərbaycanın eks-prezidenti (1992-1993-cü illər) Əbülfəz Elçibəyin 75 yaşı tamam olur.

 
  Bu yubiley dövlət səviyyəsində qeyd olunmur, onun məzarını Milli Şuranın – müxalif siyasi koalisiyanın və Xalq Cəbhəsi Partiyasının nümayəndələri ziyarət edirlər.
 
  Mərhumun qardaşı Almurad Əliyev “Obyektiv TV”yə (obyektiv.tv) müsahibəsində deyib ki, hakimiyyəti günahlandırmır. “Onlar təhsilli, böyük adamlardır, özləri bilər, amma müstəqilliyin əldə olunmasında keçmiş prezidentin xidmətləri göz önündədir”, - o vurğulayıb.
 
  Qardaşının sözlərinə görə, Elçibəy uşaqlıqdan milli azadlıq ideyası ilə yaşayıb. Tələbəlik illərində və universitetdə dərs dediyi vaxtlarda rəsmi sovet təbliğatının qapadığı tarixi səhifələrdən danışardı. Belə dissidentlər az idi (professor Xudu Məmmədov da daxil olmaqla), onlar Almuradın evində toplaşırdılar.
 
  70-ci illərin ortalarında Elçibəy ilk dəfə həbs olunanda prokuror onun 12 il həbs cəzasına məhkum olunmasını istəyib, lakin hakim 3 il verib, Elçibəy isə həbsdə 1,5 il qalıb. “Bu, yerli DTK əməkdaşları da daxil olmaqla, hüquq-mühafizə orqanlarının milli ideyanın daşıyıcılarına hörmətinin nəticəsi idi”, - o bildirib. Bu münasibət mənzildə axtarış zamanı da özünü göstərirdi.
 
  1980-cı illərin sonlarında gənclər Elçibəyi evində Heydər Əliyevin portreti olduğuna görə qınayırdı. Elçibəy buna cavab olaraq demişdi ki, yanında da Mustafa Kamal Atatürkün portreti asılıb. Bu, millətin qarşısındakı xidmətlərə görə hörmət əlamətidir.
 
  Elçibəyin idarəçiliyi dövründən danışan qardaşı onun hər zaman sadə insan olduğunu qeyd edib. O, yaxın adamlardan ibarət qrupun yaradılması ilə bağlı tövsiyələrdən birmənalı olaraq imtina etmişdi, həmçinin xüsusi dövlət təminatını və digər imtiyazları qəbul etməyərək bunu israfçılıq hesab edirdi.
 
  Prezident postundan getdikdən sonra Ordubadın Kələki kəndində onu yalnız Xalq Cəbhəsinin ən sadiq üzvləri və Türkiyənin xüsusi xidməti mühafizə edirdi.
 
  O, Türkiyədə vəfat edib. Belə ki, Bakıda əməliyyat olunmaqdan imtina etmişdi. A.Əliyev Elçibəyin zəhərlənməsi ilə bağlı şayiələri uydurma hesab edir. Onun sözlərinə görə, Elçibəyin prostat vəzində şiş var idi. Əvvəlcə ABŞ-a, sonra isə 2000-ci ilin yayında Türkiyəyə gedərkən artıq gec idi, xəstəlik yayılmışdı. --17D— 

Rəy yaz

Siyasət

Bizi sosial şəbəkələrdə izləyin

Xəbər lenti