Azərbaycan Dövlət Neft Şirkətinin Yunanıstanın DESFA şirkətini öz vəsaitləri ilə alması ARDNŞ-nin kredit qabiliyyəti və reytinqinə təzyiq edə bilər , deyə Fitch Ratings agentliyi bildirir.
Hazırda ARDNŞ-nin reytinqi BBB-, proqnoz “sabit”dir. Hazırda şirkət 2013-2015-ci illər üçün 5,8 mlrd dollarlıq proqram icra edir və bir sıra investisiyalarının maliyyələşməsində dövlətin reytinqinə ümid bəsləyir /Azərbaycanın reytinqi BBB- proqnoz “sabit”dir/.
ARDNŞ-nin reytinqi Azərbaycanın suveren reytinqi ilə eyni səviyyədədir, çünki şirkət əsas maliyyə qərarlarında hökumətlə və ARDNF ilə sıx əlaqələrə malikdir.
Agentlik narahatdır ki, 2013-cü ildə neftin orta qiyməti barrel üçün 105 dollar, 2014-cü ildə 100 dollar olsa, dövlət böyük kəsirlə üzləşər, bu isə suveren reytinqə və ARDNŞ-yə kömək qabiliyyətinə təsir edə bilər.
Hazırda alış qiyməti və maliyyə mənbəyi barədə məlumat yoxdur, bu, ARDNŞ-dir, yoxsa ARDNF və ya hər ikisi – bilinmir. Fitch əvvəllər qeyd edib ki, kredit qabiliyyətinin pisləşməsi ilə nəticələnən aqressiv investisiya proqramı və ya alışlar ARDNŞ-nin reytinqi üçün mənfi ola bilər.
Məlumat verildiyi kimi, ARDNŞ Yunanıstanın DESFA şirkətinin səhmlərinin 66%-I alıb. Əqdin qiyməti açıqlanmır, bir sıra mənbələrə görə, ARDNŞ 400 mln avro təklif edib.
Hazırda DESFA-nın səhmlərinin 35-İ Hellenic Petroleum-a, 31%-i Yunanıstan hökumətinə məxsusdur. Hökumətin satışdan 188 mln avro əldə edəcəyi gözlənilir.
DESFA-nı Rusiyanın “Sintez” şirkəti və yunan-çex şirkəti PPF-Terna da almaq istəyirdi. 2013-cü ilin iyununda hər ikisi niyyətindən əl çəkib – deyə http://www.biztass.ru məlumat verir. --0--
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz