Əfqan Sadıqov Azərbaycanın sorğusu əsasında saxlanılıb (yenilənib)

Azel.tv-nin rəhbəri Əfqan Sadıqov Əfqan Sadıqov Azərbaycanın sorğusu əsasında Gürcüstan hüquq-mühafizə orqanları tərəfindən  Azərbaycanın sorğusu əsasında saxlanılıb. Bu barədə onun Tbilisi vəkili  Dito Nozadze Ə.Sadıqovun həyat yoldaşı Sevinc Sadıqova ilə Facebook-da canlı yayımda məlumat verib.

Vəkilin sözlərinə görə, ekstradisiya tələbi iyul ayında Azərbaycanın Baş Prokurorluğundan daxil olub.

Orada bildirilir ki, mayın 10-da Azərbaycanda Sadıqova qarşı hədə-qorxu ilə tələb etmə maddəsi ilə cinayət işi açılıb. Məhkəmənin qərarı ilə o, axtarışa verilib.

Vəkil Nozadze bildirib ki, A.Sadıqovla hələ görüşməyib.

Onun sözlərinə görə, tutulma Gürcüstan prokurorluğunun vəsadəti  əsasında həyata keçirilib. Avqustun 4-də Ə.Sadıqov ekstradisiya məsələsini həll etmək üçün məhkəmə qarşısına çıxarılacaq.

Ə.Sadıqovun həyat yoldaşı ittihamı saxta elan edib.

O, jurnalistin Azərbaycan hakimiyyətini tənqid etdiyinə görə təqib etdiyini vurğulayıb.

* * *

Tbilisi məhkəməsi Əfqan Sadıqovu iki ay müddətinə həbs edib.

Avqustun 4-də Tbilisi məhkəməsi Azel.Tv saytının rəhbəri Əfqan Sadıqova qarşı 2 ay müddətinə həbs qətimkan tədbiri seçib.

Bu barədə Turan agentliyinə jurnalistun həyat yoldaşı Sevinc Sadıqova məlumat verib.

Onun sözlərinə görə, məhkəmə Azərbaycanda Əfqan Sadıqova qarşı mayın 10-da Azərbaycan Daxili İşlər Nazirliyi tərəfindən cinayət işi qaldırıldığını bildirib.

“İyun ayında Bakıda Asan Xidmətə həyat yoldaşıma qarşı cinayət və ya məhkəmə işinin olub-olmaması, axtarışda olub-olmaması ilə bağlı sorğu göndərdim. Sorğuya verilən cavabda sadəcə onun barəsində məhkumluğun olduği göstərilib”, Sadıqova bildirib.

O hesab edir ki, həyat yoldaşına qarşı cinayət işi saxtadır. Sadıqova bildirib ki, həbs qərarından apellyasiya şikayəti veriləcək.