Əhməd Davudoğlu Yerevanda etirazla qarşılanıb
Dekabrın 12-də Yerevanda Türkiyə XİN rəhbəri Əhməd Davudoğlunun səfərinə etiraz aksiyası keçirilib. Bu barədə Ermənistan KİV məlumat yayıb.
“Daşnaksütyun” Partiyasının Tələbə Birliyi və “İrs” Partiyasının gənclər qanadı mitinq keçiriblər. Toplaşanlar tələb ediblər ki, Türkiyə 20-ci əsrin əvvəlində baş vermiş erməni soyqırımını tanısın və kompensasiya ödəsin.
Aksiya iştirakçıları bildiriblər ki, Ə.Davudoğlu “dərhal onların vətənini tərk etməli, Ankaraya dönməli və havanı “çirkləndirməməlidir”.
Aksiya “Marriott Armenia” otelinin binası qarşısında keçirilib. Dekabrın 12-də burada Qara Dəniz İqtisadi Əməkdaşlıq Təşkilatı ölkələri XİN rəhbərlərinin görüşü keçirilir. Ə.Davudoğlu görüşdə iştirak etmək üçün Yerevana gəlib.
Aksiya zamanı otelin yaxınlığında çoxsaylı polis işçiləri dayanıb.
2009-cu ildə iki ölkə hakimiyyəti diplomatik münasibətləri bərpa etmək və sərhəddi açmaq niyyətində olub. Protokollar imzalanıb. Sənədlərdə yaxınlaşma prinsipləri əksini tapıb. Lakin parlamentlərdə sənədlərin ratifikasiyası baş tutmayıb. Son anda Türkiyə bildirib ki, Ermənistanla münasibətlərin normallaşması yalnız Bakı və Yerevan arasındakı münaqişə nizamlandıqdan sonra mümkün ola bilər. -02D-
-
- İqtisadiyyat
- 12 Dekabr 2013 15:11
Siyasət
-
İyulun 18-də Böyük Britaniyada Avropa siyasi birliyinin dördüncü sammiti açılıb. Britaniya baş nazirinin ofisinin məlumatına görə, tədbirdə 45 avropalı lider, həmçinin NATO, ATƏT və Avropa Şurasının nümayəndələri iştirak edəcəklər. Sammitin əsas mövzuları Ukraynada münaqişə, enerji təhlükəsizliyi, miqrasiyadır, məqsəd isə "Avropa daxilində və onun sərhədləri yaxınlığında münaqişə və qeyri-sabitliyə cavab olaraq birliyi qorumaqdır".
-
Aİ prezidenti Çarlz Mişelin keçmiş diplomatik müşaviri Maqdalena Qrono Aİ-nin Cənubi Qafqaz üzrə yeni xüsusi nümayəndəsi təyin edilib.
-
İyulun 16-da Azərbaycanın energetika naziri Pərviz Şahbazov İsrailin regional əməkdaşlıq naziri David Amsalemi qəbul edib.
-
Qazaxıstan Respublikasında keçirilən "Birləşdik - 2024" beynəlxalq əməliyyat-taktiki komanda-qərargah təlimi başa çatıb.
Rəy yaz