Əjdər Tağızadə: Azərbaycan türkləri İranda seçkilərə inanmır, öz müstəqilliyini istəyir
İranda keçirilən seçkilərə seçki demək olmaz. Bu gün keçirilən səsvermədə süzgəcdən keçmiş altı namizəd iştirak edir.
Bunlar beytil rəhbərin, - Xameneyinin evində qurduğu gizli dövlətdən çıxmış adamlardır. Bu barədə Dünya Azərbaycanlıları Konqresinin daimi şurasının sədri Əjdər Tağızadə Obyektiv televiziyasına müsahibəsində bildirib.
Onun sözlərinə görə, istər prezidentliyə namizəd Əli Əkbər Vilayəti olsun (baxmayaraq ki, azərbaycan türküdür, amma kimliyini unudub), istər Gərazi (Məhəmməd Gərazi-T.F) olsun, bu adam inqilabın başlanğıcından adam öldürməklə, özəlliklə türkmənləri öldürməklə məşğul olub və yaxud Əl Əhvazda, Xuzistanda Səddam Hüseyni qızışdırıb, İran-İraq savaşını başlatdırmaqda rolu var”.
“Həddadi Adil ailəsi ilə birgə Kürdüstanda adam öldürməklə məşğul olub. Hər birisinin keçmişinə baxanda bunlar əli qanlıdır və yaxud millətlərə, insanlara qarşı əməlləri var. Hətta bunların bəziləri, özəlliklə Gərazinin ailəsi rüşvət məsələsində və dövlət malını mənimsəməkdə suçludur. Hətta Gərazinin özü və qardaşı ölümə də məhkum oldu, Evin zindanına aparıldı. Bunlar milyardlarla pul mənimsəmişdilər.
Galibaf (Məhəmməd Bağır Galibaf) inqilab qvardiyasından gəlib. Deyirlər əsli özbəkdir, gizlədir. Ancaq, bu adam öldürəndir. Özü deyir ki, Tehranda tələbə hərəkatı zamanı Xameneyidən icazə alıb tələbələri qırıb”.
O hesab edir ki, seçkilər İrana dəyişiklik gətirməyəcək.
”İran adlanan yerin iqtisadiyyatının 70-80 faizi demək olar ki, İnqilab Qvardiyasının (Sepah) əlindədir. İqtisadiyyatın qalan hissəsi isə korrupsiya ilə məşğul olan adamların əlindədir. Özləri də bunu deyirlər. Əhmədinejad deyir ki, minlərlə adamın adı cibimdədir, bunlar necə dövlət malını mənimsəyiblər. Kim isə bunların üstünü açmır”.
Tağızadənin fikrincə, seçki İran adlanan yerdə heç bir siyasi-iqtisadi dəyişiklik də gətirməyəcək. “31 faizdən yuxarı olan inflyasiyanı kim isə dəyişə bilməyəcək, işsizliyə kimsə son qoya bilməyəcək, gənclərin problemləri həllini tapmayacaq. Jurnalistləri, vəkilləri zindandan kim buraxacaq? Siyasi məhbusları zindandan buraxmaq ümumiyyətlə prezidentin əlində deyil. Prezident Xameneyinin əlində oyuncaq kimi bir şeydir”.
DAK daimi şurasının sədri seçkilərdə islahatçı qanadın namizədini də ali dini rəhbərlə iş birliyində günahlandırır.
”Həsən Ruhanidən soruşmaq olar ki, sənin rəhbərin olan Xatəmi prezident olduğu səkkiz ildə 20 milyon səslə nə etdi? Ondan öncəki Rəfsəncani o güclə nə edə bildi? Bunlar nə etdilər? Xameneyinin əmri ilə gizlin qruplar yaradıb, xaricdə siyasətçiləri, jurnalistləri terror etdilər. Rəfsəncani dövründə hətta daxildə jurnalistləri, siyasətçiləri öldürdülər, onların xanımlarının döşlərini bıçaqla kəsdilər. İslahatçı qanaddan olan Ruhani gəlib nəyi dəyişəcək?”o sual edib.
Tağızadə İranda yaşayan çoxmilyonlu azərbaycanlıarın çıxış yolunu müstəqilliklərini əldə etməkdə görür.
“Azərbaycanın güneyi müstəqil olmalıdır, millətimiz öz taleyini özü təyin etməlidir. Beynəlxalq hüquq bu millətə demokratik yolla bu haqqı verir. Doğrudan da seçkidən söhbət gedərsə, onda Azərbaycan türklərinə izn verilsin və dünya ictimaiyyəti də kömək etsin ki, öz müqəddəratını təyin etməyə səs versin, öz canını qurtarsın.
Azərbaycan türkləri nüvə silahı əldə etmək istəmir, Azərbaycan türkü irticaçı deyil, Azərbaycan türkü talibanı, Bin Ladeni sevmir. Azərbaycan türkü azadlığını istəyir, qadın, uşaq, vicdan, qələm, dil azadlığını istəyir. Öz taleyini özü təyin etməsini istəyir. Bunların heç biri Tehran rejimində yoxdur. Bu rejim yüz dəfə də seçkilərə getsə, Azərbaycan türkünə heç nə verməyəcək”.
O hesab edir ki, Azərbaycanın güneyindəki 35 milyondan artıq Azərbaycan türkü əsarətdədir, basqı altındadır.
“Azərbaycan türkləri azadlığını istəyir, İrana və bu seçkilərə inanmır.
diktatura istəmir, bir demokratik ölkə istəyir. İstəyir ki, özünün işi olsun, vətəndaş cəmiyyəti yaransın, demokratiya və azadlıq olsun, gənclər insan kimi yaşasın”, o qeyd edib. -03D-
Siyasət
-
NATO Baş katibinin əməliyyatlar üzrə köməkçisinin müavini Burcu Sanın rəhbərlik etdiyi nümayəndə heyəti Bakıya səfərə gəlib, bu barədə Müdafiə Nazirliyinin məlumatında deyilir.
-
Polkovnik-leytenant Qəhrəman Məmmədov qaçaqmalçılıq ittihamı ilə həbs olunub. KİV-in məlumatına görə, o, Türkiyədə üzərində 70 kq qızıl ilə saxlanılıb.
-
Noyabrın 26-da Moskvada MDB ölkələrinin təhlükəsizlik orqanlarının və kəşfiyyat xidmətlərinin rəhbərlərinin 20-ci müşavirəsi keçirilir.
-
Azərbaycan Prezidenti İlham Əliyev noyabrın 25-də Amerika Birləşmiş Ştatlarının Prezidenti Donald Trampa zəng edib.
Rəy yaz