Ekologiya və Təbii Sərvətlər Nazirliyi: ermənilərin törətdikləri ekoloji soyqırım sənədləşdiriləcək

Bakı/16.11.20/Turan:  Azərbaycan Ekologiya və Təbii Sərvətlər Nazirliyi və ümumilikdə Azərbaycan ictimaiyyəti ermənilərin Kəlbəcərdə törətdikləri ekoloji terror aktlarını kəskin şəkildə pisləyir, ekologiya və təbii sərvətlər nazirinin müavini Vüqar Kərimov bildirib.

Ermənilər tərəfindən flora və faunanın məhv edilməsi, əsasən Cəbrayıl, Zəngilan, Qubadlı və işğaldan azad edilmiş digər ərazilərdə iki min ildən çox yaşı olan çinarların qırılması, Şuşa ətrafında Topxana meşəsinin yandırılması, indi isə ağacların kəsilməsi və Kəlbəcərdə obyektlərin yandırılması ekoloji cinayətlərdir.

"Müxtəlif KİV-in yaydığı bu vəhşiliyə dair çoxsaylı foto və videolar regionun təbiətinə qarşı soyqırımından xəbər verir", - V.Kərimov bildirib.

Nazir müavini qeyd edib ki, bu faktlar təqdim müvafiq beynəlxalq təşkilatlara təqdim olunacaq. Onlar zərərin qeydə alınması və qiymətləndirilməsi üçün Azərbaycana dəvət olunacaqlar. -02D-