Ekspert MSK-dan şikayət imkanılarının tükənmədiyini bildirir

Seçkilərin Monitorinqi və Demokratiyanın Tədrisi Mərkəzi (SMDTM) seçki saxtakarlığı ilə bağlı Demokratik Qüvvələrin Milli Şurasınin (DQMŞ) Mərkəzi Seçki Komissiyasına (MSK) təqdim etdiyi sənədləri qəbul etməməsinə şərh verib.

SMDTM rəhbəri Anar Məmmədliyə görə seçki pozuntları ilə bağlı DQMŞ-nın pezidentliyə namizədi Cəmil Həsənlinin səlahiyyətli nümayəndəsi Gülağa Aslanlıdan MSK-ya təqim etdiyi sənədlərin əslinin tələb olunması qanunsuzdur. İlkin olaraq şikayət ərizəsinə mahiyyəti üzrə baxılmalı, pozuntular araşdırılmalı idi. Araşdırma prosesinə sənədlərin əsli əlavə edilə bilər və bunun üçün müddət müəyyən edilərək rəsmi müraciət olmalı idi. 

Qanun pozuntularına dair aktların və protokolların surətlərinin notarial qaydada təsdiqlənməsi qanunda nəzərdə tutulmur. İndiki halda isə şikayətin təqdim edilməsi prosesini yubatmaq üçün G.Aslanlının həbsi isə gülünc və mənasız işdir. Çünki, seçki qərargahı pozuntu halları üzrə sənədlərin əslini yenidən təqdim etməklə yeni şikayət verə bilər. MSK qərarı dünən elan etdiyi üçün son müddət oktyabrın 16-da bitir. Paralel olaraq Apellyasiya Məhkəməsinə də şikayət etmək mümkündür. 

Seçki Qərargahı MSK-nın seçkidən sonrakı 10 gün ərzində seçkinin nəticələrinə dair qərar verəcəyini (son müddət oktyabrın 19-da bitir), bundan sonra isə Konstitusiya Məhkəməsinin 14 gün ərzində seçkinin nəticələrinə baxacağını nəzərə alaraq, MSK-nın yekun qərarından apellyasiya şikayəti verə bilər. 

Bütün hallarda seçki qərargahının hüquqi imkanları tükənməyib. Məsələn, seçkilə bağlı internetdə yayılan bütün video, foto və audio-materillar CD-lərə köçürülməlidir. Müşahidəçi və seçicilərdən daxil olan məlumatlar, akt formaları, protokollar şikayətə əlavə edilə bilər. Bunun üçün qərargah qaynar xətt yaradaraq bütün ölkə üzrə şikayətlərin toplanmasını təmin edə bilər.-05B-