Məhkəmə Cəmil Həsənlıinin səlahiyyətli nümzyəndəsinə xəbərdarlıq edib (YENİLƏNİB)

Bakı şəhər Binqədi rayon məhkəməsi prezidentliyə namizəd Cəmil Həsənlinin MSK-da səlahiyyətli nümayəndəsi Gülağa Aslanlıya xəbərdarlıq edib. G.Aslanlı bu xəbərdarlığı “xırda xuliqanlığa” görə alıb.

G.Aslanlı bu ittihamı “tamamilə cəfəngiyyat” adlandırıb.

Polisin məlumatına görə G.Aslanlı İbrahim Ələkbərov adlı şəxsin şikayəti əsasında saxlanılıb. İ.Ələkbərov şikayət edib ki, G.Aslanlı zibil atarkən ona toxunub, sonra səs-küy və qarşılıqlı təhqir baş verib. Məhkəmə şikayətçi barəıdə 10 günlük inzibati həbs qərarı çıxarıb.

G.Aslanlı plis və məhkəmənin davranışını C.Həsənlinin Seçki Qərargahında aktiv fəaliyyətinə görə təzyiq kimi dəyərləndirib.

Xatırladaq ki, bu insidentlə əlaqəli G.Aslanlı hələ oktyabrın 13-ü səhər saxlanılıb bə bu zaman MSK-da C.Həsənlinin seçkinin nəticələrinə dair şikayətinə baxılıb və şikayət qəbul edilməyib.-16D06-   

2013 Oktyab 14 (Bazar ertəsi) 12:31:26

Milli Şuranın prezidentliyə namizədi Cəmil Həsənlinin Mərkəzi Seçki Komissiyasında (MSK) səlahiyyətli nümayəndəsi Gülağa Aslanlı Binəqədi məhkəməsinə aparılıb.

Məhkəməyə aparılan saatlarda Turan-ın müxbirilə telefon danışığında G.Aslanlı İnzibati Xətalar Məcəlləsinin 296-cı maddəsilə (kiçik xuliqanlıq) ittiham edildiyini bildirib. Guya oktyabrın 13-də səhər saatlarında zibil atarkən kimisə təhqir edib.  

“Mənim heç kəsi təhqir etməməyim hamıya, o cümlədən MSK-ya da bəllidir, bu qurum daha yaxşı bilir ki, mən niyə ittiham edilirəm”, - deyə G.Aslanlı bildirib.

Məhkəmənin nə ilə başa çata biləcəyi sualına isə G.Aslanlı “Bura Azərbaycandır, burada nə desən olar” kimi ironiyalı cavab verib. 

G.Aslanlı MSK-nın 13 oktyabr toplantısında prezident seçkilərindəki saxtakarlıqlara dair Milli Şuranın sənədlərini MSK-ya təqdim etməli idi. Amma səlahiyyətli nümayəndə saat 09:30-da kimisə təhqir etməsi adı ilə polis tərəfindən saxlanılıb. İki-üç saat saxlandıqdan sonra sərbəst buraxılan G.Aslanlı bu hadisə ilə bağlı mətbuat konfransı keçirib. Səhahiyyətli nümayəndə mətbuat konfransında saxlanmasını, kimisə təhqir etməsi haqda ittihamı qurama adlandırıb. Əsas məqsədin Milli Şuranın seçki saxtakarlıqlarını işfa edən sənədlərinin MSK-ya daxil olmasının qarşısını almaq olduğunu qeyd edib. 

“Məni saat 10:00-da baş verən “təhqir”ə görə saat 09:30-da saxlayıblar, təhqir etməyimlə bağlı şikayət isə polisə saat 12:20-də qəbul edilib”, - deyə Aslanlı son iki gündə baş verən hadisələrə toxunub və bunu “gülməli iş” adlandırıb. -05B-