Milli Şuranı öz tədbirlərini erməniyə məxsus oteldə keçirməkdə “ifşa edən” bir sıra KİV-lərin və telekanalların cəhdləri gülüncdür. Bu fikri Turan agentliyi ilə söhbətində Milli Şuranın icra aparatının sədri Eldar Namazov bildirib.
“Bəziləri bizi ermənilərlə əməkdaşlıq etdiyimizə görə utandırmağı qərara alıb. Amma bu yalançı vətənpərvərləri məyus etmək istəyirəm – otel gürcü ailəsinə məxsusdur”, deyə Namazov bildirib.
Otellərə yerləşərkən heç kim onların sahibinin milliyyətini soruşmur. Amma hətta Milli Şura belə bir “günah” işləyibsə belə, qoy bu “vətənpərvərlər” müntəzəm olaraq həmin bu oteldə tədbirlərini keçirən SOCAR-ı da, digər Azərbaycan təşkilatlarını da utandırsınlar, deyə Namazov bildirib.
Qeyd edək ki, bir sıra hökumətyönlü və hakimiyyətin nəzarəti altında olan KİV-lər iki gündür ki, Milli Şuranın öz görüşünü erməniyə məxsus Tbilisi otelində keçirdiyini car çəkərək, bunu “qeyri-vətənpərvər addım” və “satqınlıq” adlandırırlar. -02В-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz