Ələsgər Məmmədlinin həbsindən apellyasiya şikayəti verilib
Toplum TV-nin təsisçisi Ələsgər Məmmədlinin həbsindən apellyasiya şikayəti verilib, deyə vəkil Aqil Layıc “Turan”a bildirib.
Onun sözlərinə görə, müdafiə tərəfi Məmmədli barəsində seçilmiş 4 aylıq həbs qətimkan tədbirinin ləğvini xahiş edir.
“Ələsgər Məmmədlinin qaçaqmalçılıq ittihamı ilə həbsdə saxlanması üçün heç bir maddi və prosessual əsas yoxdur”, - deyə vəkil vurğulayıb. O, əlavə edib ki, Məmmədlinin səhhətində ciddi problemlər var.
“Onun bədənində şiş var. Belə problemi olan şəxslər nəinki həbs edilmir, hətta cəzalarını çəkməkdən də azad edilirlər”, - deyə vəkil bildirib.
Onun sözlərinə görə, Bakı Apellyasiya Məhkəməsi şikayətə üç gün müddətində baxmalıdır.
Həmçinin Cinayət Məcəlləsinin 206.3.2 (şəxslərin qabaqcadan razılığı ilə qaçaqmalçılıq) maddəsi ilə təqsirləndirilən Demokratik Təşəbbüslər İnstitutu və Respublika III Platformasının üzvü Ruslan İzzətlinin həbsindən də apellyasiya şikayəti veriləcək.
Məmmədli və İzzətli martın 8-də saxlanılıblar. Bundan əvvəl, martın 6-da “Toplum TV” və Demokratik Təşəbbüslər İnstitutunun daha 7 əməkdaşı saxlanılıb. Onlardan 5-i barəsində həbs qətimkan tədbiri seçilib, daha ikisi polis nəzarətinə verilib.
Həbs olunanların barəsində apellyasiya şikayəti verilib.
Siyasət
-
Bakı 1 saylı İstintaq Təcridxanasında saxlanılan fəal Nicat İbrahim əsassız cinayət təqibinə etiraz olaraq noyabrın 20-də özünə çoxsaylı xəsarət yetirib. Bu barədə Turan-a onun xanımı Pərvin İbrahim bildirib. Onun sözlərinə görə, noyabrın 21-də həyat yoldaşı zəng edərək deyib ki, ötən gün güzgü parçası ilə özünə xəsarət yetirib. O, boğazını və qulaqlarını kəsib.
-
Bu gün Birləşmiş Millətlər Təşkilatının baş katibi Antonio Quterreş təsdiqləyib ki, Bakıda COP29 iqlim konfransında iştirak edən ölkələr gələn il üçün iqlim dəyişikliyilə mübarizəyə vəsait ayrılması barədə razılığa gəlməyiblər.
-
Birləşmiş Millətlər Təşkilatının Ətraf Mühit Proqramı (UNEP) və Azərbaycanın Ekologiya və Təbii Sərvətlər Nazirliyi cümə axşamı COP-29-da Niyyət Protokolu imzalamaqla davamlı su resurslarının idarə edilməsinə olan sadiqliklərini rəsmi şəkildə təsdiqlədilər. UNEP-in icraçı direktoru İnqer Andersen və COP-29-un prezidenti Muxtar Babayev tərəfindən təsdiqlənmiş bu razılaşma, suyun iqlim dəyişikliyi ilə mübarizədə və davamlı inkişafın təşviqində mühüm rolunu vurğulayır.
-
Noyabrın 21-də Avropa İnsan Hüquqları Məhkəməsi "Azadlıq" qəzetinin və onun keçmiş əməkdaşı Ramin Cəbrayılzadənin (Ramin Deko) ifadə azadlığının pozulmasına dair şikayət üzrə qərarı elan edib.
Rəy yaz