![Əli Əliyev: Xalqla zor dilində danışmaq yolverilməzdir](https://turan.az/resized/750/500/resize/media/2016/main/011600143637.jpg)
Əli Əliyev: Xalqla zor dilində danışmaq yolverilməzdir
Vətəndaş və İnkişaf Partiyasının (VİP) sədri Əli Əliyev öz “facebook” səhifəsində ölkədə dərinləşən böhran fonunda müxalifət-hakimiyyət mövqeyinə həsr edilən geniş yazı yerləşdirib.
VİP sədri ölkədə yaşanan böhran səbəbilə yüksələn etiraz dalğasını durumun ciddiliyi kimi dəyərləndirir. Müəllifə görə, iqtidar da, müxalifət də durumun ciddiliyini sona qədər anlamır. Hakimiyyətin 10 illər boyu yürütdüyü siyasətin müxalifətin hadisələrə müdaxiləsini minimuma endirdiyi qeyd edilir.
Daha sonra neftdən asılı ölkə iqtisadiyyatında neftin qiymətlərinin eniş dinamikası göstərilir, hakimiyyətə xalqla güc və xof dilində yox, başqa "dildə" danışmaq təklif edilir.
Müəllifə görə, etirazların motivi hakimiyyətin uzun illər apardığı yanlış siyasətin nəticəsidir. Sosial durum kritikliyi devalvasiya etirazlarını "domino" effekti ilə cəmiyyətə yayır.
Ə.Əliyev mübarizənin dövlətə qarşı çevrilməsinə, lokal klan intriqaları maraqlarına endirilməsinə yol verilməməsi xəbərdarlığı edilir. “Bunun üçün müxalifət kabinetlərdən çıxıb xalqa qarışmalı, mübarizəni sistemləşdirməlidir”, deyə VİP sədri qeyd edir.
Ə.Əliyev spontan, toqquşma ilə nəticələnən çıxışlardansa, icazəli, həbs və itki ilə nəticələnməyən taktikanı, koordinasiyalı mübarizəni xalqın fəallığının uğuru sayır. “Hakimiyyət güc və hikkə dilindən imtina etməli, böhranı etiraf edib, cəmiyyətdə konsensusa gətirəcək taktika seçməlidir, bunun üsulları çoxdur”, deyə VİP sədri vurğulayır.
Ona görə, ilk addım kimi həbs edilənlər azad olunmalı, ölkə rəhbərliyinin bu yöndə xalqa çağırışı olmalıdır. “Küçələrdəki etirazçılar da xalqın övladları, hakimiyyətin mənbəyi olan XALQdır və onunla zor dilində danışmaq yolverilməzdir”, deyə Ə.Əliyev bildirir. -05D-
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz