Əli Həsənov: �Azərbaycan Avropa Şurası ilə münasibətlərini yenidən nəzərdən keçirə bilər�
Bakı/12.10.17/Turan: Azərbaycan Avropa Şurası ilə münasibətlərini yenidən nəzərdən keçirə bilər. Bu barədə ölkə prezidentinin köməkçisi Əli Həsənov bildirib.
О, AŞPA-nın ölkənin AŞ-da sədrliyi dövründə Azərbaycanda demokratik təsisatların fəaliyyəti və insan hüquqlarına əməl edilməsi sahəsində vəziyyət haqda qətnamələrini qərəzli adlandırıb.
"Hesab edirəm ki, AŞPA müəyyən maraqlı antiazərbaycan dairələrin subyektiv mülahizələri əsasında hazırlanmış və xüsusi məqsəd daşıyan bu sənədləri qəbul etməklə növbəti dəfə ölkəmizə qarşı öz qərəzli və ədalətsiz mövqeyini nümayiş etdirdi", - Ə.Həsənov AzərTAC Dövlət İnformasiya Agentliyinə bildirib.
"Azərbaycan bu quruma üzv olduğu dövrdən keçən müddət ərzində ardıcıl şəkildə müəyyən lobbi qrupların və xüsusilə də erməni təəssübkeşlərinin təzyiqi ilə üzləşib", - o vurğulayıb.
AŞ baş katibi Torbyörn Yaqlandın baş katib olduğu dövrdə isə bu təzyiqlər daha da artıb və kəskinləşib.
Ə.Həsənov qeyd edib ki, bu kimi əsassız sənədlər qəbul etməklə Azərbaycana təzyiq göstərmək mümkün deyil.
"Subyektiv mülahizələrə əsaslanan bu tipli qərəzli sənədlərin qəbul edilməsi, təzyiq cəhdlərinin artması Azərbaycanı Avropa Şurası ilə münasibətlərini yenidən nəzərdən keçirməyə məcbur edir", - Ə.Həsənov bildirib.
Xatırladaq ki, qətnamələrdə Azərbaycan hakimiyyəti hakimiyyət qolları arasında balansı, məhkəmələrin və prokurorluqların müstəqilliyini təmin etməyə, Strasburq məhkəməsinin qərarlarını, o cümlədən müxalifətçi İlqar Məmmədovun azadlığa buraxılması haqda qərarı yerinə yetirməyə, bütün siyasi məhbusları azad etməyə, QHT və medianın sərbəst fəaliyyəti üçün şərait yaratmağa çağırılır.06D--
-
- Cəmiyyət
- 11 Oktyabr 2017 18:10
-
- İqtisadiyyat
- 12 Oktyabr 2017 10:40
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz