Əli Həsənov blogerin həbsi barədə
Azərbaycan prezidentinin ictimai-siyasi məsələlər üzrə köməkçisi Əli Həsənov Reportyorların Azadlıq və Təhlükəsizlik İnstitutunun (RATİ) rəhbəri, bloger Mehman Hüseynovun həbsini qanuni hesab edir.
“Mehman Hüseynov konkret ittiham əsasında həbs edilib və məhkəmə araşdırması zamanı onun əməlində cinayət tərkibi olduğu tam təsdiqini tapıb”, - Ə.Həsənov blogerin təqib olunmasına görə beynəlxalq təşkilatların tənqidlərini şərh edərkən deyib.
Eyni zamanda Ə.Həsənov qeyd edib ki, M.Hüseynovun hökmdən şikayət etmək hüququ var. Ancaq onun həbsini peşə fəaliyyəti ilə əlaqələndirmək və siyasiləşdirmək, məhkəmənin Azərbaycan qanunvericiliyinə uyğun çıxardığı qərarı şübhə altına almaq cəhdləri yolverilməzdir.
“Hesab edirəm ki, bu məsələ daxili və xarici siyasi qruplar, onların təsiri altında olan təşkilatlar tərəfindən süni şəkildə siyasiləşdirilir. Xatırlatmaq istərdim ki, hüquqi dövlət olan Azərbaycanda məhkəmələr müstəqildir və siyasi kampaniyalarla, siyasi təzyiq vasitəsilə onların qərarlarına təsir göstərmək mümkün deyil”, - Ə.Həsənov bildirib.
Xatırladaq ki, bundan öncə də Ə.Həsənov bir çox jurnalist və fəalın siyasi motivlərlə təqib olunmasını inkar edib. Sonradan beynəlxalq təzyiqlərin altında hakimiyyət onları vaxtından əvvəl azadlığa buraxıb. Məhkum olunmuşların çoxu Avropa İnsan Hüquqları Məhkəməsi tərəfindən hüquqlarının tanınmasına nail olub.-16D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz