Əli Həsənov: Mətbuat özü günahkardır

“Vətəndaşların öz şərəf və ləyaqətlərini məhkəmədə müdafiə etmək hüquqlarını, məhkəmələrin isə bu işlərə baxmaq və onlarla bağlı qərar qəbul etmək hüquqlarını məhdudlaşdıra bilmərik”. Prezident Administrasiyasının ictimai-siyasi şöbəsinin müdiri Əli Həsənov “Azadlıq” və “Yeni Müsavat” müxalifət qəzetlərinə qarşı böyük məbləğdə məhkəmə cərimələrini belə şərh edib.

Onun sözlərinə görə, KİV orqanları peşə etikasına riayət etməli və vətəndaşların hüquqlarını pozmamalıdırlar.

“Dövlət KİV-i dəstəkləyir və onlara maddi yardım göstərməyə çalışır, amma mətbuat öz işinə məsuliyyətlə yanaşmasa: etik normalara riayət etməsə, vətəndaşların hüquqlarına hörmət etməsə, özündə təkzib dərc etmək cəzarəti tapmasa, belə də olacaq”, deyə Həsənov bildirib.

Onun fikrincə, mətbuat birtərəfli qaydada hüquqi üstünlüklərə malik ola bilməz. “Hazırda diffamasiya haqqında qanunun qəbulu məsələsini müzakirə etdiyimizi nəzərə alaraq, mətbuat vətəndaş hüquqlarına hörmətə görə məsuliyyətini dərk etməlidir”, deyə o bildirib.

Bu zaman o əlavə edib ki, “məhkəmələrin qərarları icraya göndərilsə, hakimiyyət buna heç nə edə bilməz”. -06B-