![Əli Həsənov: Qərb bizə göstəriş verə bilməz](https://turan.az/resized/750/500/resize/media/2014/main/080700086447.jpg)
Əli Həsənov: Qərb bizə göstəriş verə bilməz
Hakimiyyətin baş ideoloqu Əli Həsənov hüquq müdafiəçilərinin həbsi ilə bağlı beynəlxalq tənqidi rədd edib.
O, AzərTAc agentliyinə müsahibəsində o, hüquq müdafiəçiləri Rəsul Cəfərov, Leyla Yunus və onun həyat yoldaşı Arif Yunusun həbsini, habelə bütünlükdə vətəndaş cəmiyyətinin təqibini pisləyən Avropa İttifaqı komissarları Ketrin Eşton və Ştefan Füle-nın növbəti dəfə Azərbaycanda insan haqlarının pozulması barədə verdikləri bəyanatların qərəzli və qeyri-obyektiv xarakter daşıdığını və subyektiv mülahizələr olduğunu deyib.
Həsənov bunu istintaqa və məhkəmələrə “təzyiq” kimi qiymətləndirib. “Avropa İttifaqının yüksək vəzifəli nümayəndələrinə, “Amnesty İnternational”, “Human Rights Watch” və digər bu kimi təşkilatlara məsləhət görərdik ki, Azərbaycana qarşı selektiv, tendensiyalı münasibətə, ikili standartlar siyasətinə son qoysunlar”, deyə o bildirib.
Həsənovun sözlərinə görə, Azərbaycanın demokratiya sahəsində böyük nailiyyətləri var, Avropanın özündə və ATƏT məkanında isə insan hüquqlarının kobud şəkildə pozulması faktları çoxdur.
“Azərbaycan müstəqil dövlətdir, öz daxili işlərinə hər hansı kənar müdaxilələri qəbul etmir və bundan sonra da etməyəcək”, deyə Həsənov bildirib. -16D-
-
- Cəmiyyət
- 7 Avqust 2014 17:51
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz