Bakı/10.03.20/Turan: Prezident Administrasiyasının siyasi partiyalarla əlaqələr şöbəsinin rəhbəri Ədalət Vəliyev AXCP sədri Əli Kərimlini görüşə dəvət edib.
Ə.Kərimli mətbuata bildirib ki, belə görüşün konkret gündəliyi olmalıdır və siyasi məhbusların azadlığa buraxılması, toplaşma azadlığının təmin edilməsi, seçki islahatları, yeni parlament seçkilərinin tarixinin təyin edilməsi, Qarabağ nizamlanması və təhlükəsizliyin təminatı məsələlərini əhatə etməlidir.
Buna görə də Ə.Kərimli müavini Seymur Həziyə görüşə getməyi və Ə.Vəliyevlə dialoqun predmetini müzakirə etməyi təklif edib.
Öz növbəsində S.Həzi Turan-a bildirib ki, Ə.Vəliyevlə görüşməyə hazırdır.
Qeyd edək ki, hakimiyyət parlament seçkilərindən dərhal sonra müxalifət nümayəndələri ilə dialoqa başlayıb. İlk görüş Xalq Partiyasının lideri Pənah Hüseynlə, sonra REAL lideri İlqar Məmmədovla olub. Müsavat rəhbərliyi də dəvət edilib, ancaq hələlik görüş olmayıb.
Hakimiyyətin hansı məqsəd güddüyünü söyləmək çətin deyil – bu, müəyyən preferensiya qarşılığında siyasi opponentləri sərt qarşıdurmadan çəkinməyə razı salmaq istəyidir.-16D-
Siyasət
-
Çeçenistan, Baki-Qroznı marşrutu üzrə hərəkət edən Embraer 190 təyyarəsinin qəzaya uğraması ilə əlaqədar 28 dekabr tarixində matəm günü elan edəcək. Çeçen lideri Ramzan Kadırov tərəfindən imzalanmış fərman yerli "Çeçenya Today" xəbər agentliyi tərəfindən bildirilib.
-
Ukrayna Prezidenti Vladimir Zelenski Azərbaycan xalqına başsağlığı verib
-
Ağ Ev cümə günü bildirib ki, prezident Co Bayden Qazaxıstanda AZAL təyyarəsinin qəzaya uğraması ilə bağlı vəziyyətlə və “baş verənlər barədə məlumatlandırılır”, Turan-ın müxbiri Vaşinqtondan xəbər verir.
-
Plastik cərrahiyyə fəaliyyətinə dair saxta sertifikatların verilməsinə görə Səhiyyə Nazirliyinin məmurlarına cinayət işi açılıb. Bu barədə Baş Prokurorluq və Səhiyyə Nazirliyinin 27 dekabr tarixli birgə məlumatında deyilir.
Rəy yaz