![Əli Kərimli polisdə ona qarşı qeyri-insani rəftardan danışıb](https://turan.az/resized/media/2019/main/101900022451-750-500-resize.webp)
Əli Kərimli polisdə ona qarşı qeyri-insani rəftardan danışıb
Əli Kərimli polis əməkdaşları tərəfindən amansız rəftara məruz qalıb. O, bu barədə "Osmanqızı TV" İnternet televiziyasının efirində bildirib.
Kərimlinin sözlərinə görə, onu avtobusda iki dəfə vurublar. Belə ki, AXCP liderini saçlarından tutub çəkiblər və başını avtobusun korpusuna vurublar. Və bütün bunlar videoya çəkilib. Daha sonra Kərimli Xətai rayon polis idarəsinə aparılıb və divarlarında kafel olan hamam otağını xatırladan otağa salıblar. Orada ondan videokamera qarşısında çıxış edib Azərbaycan hakimiyyətinə qarşı mübarizəyə son qoyduğunu bəyan etməyi tələb ediblər.
Kərimli imtina etdikdə onu yerə yıxıblar. Əllərini və ayaqlarını tutublar və otaqda olan şəxslərdən biri ayağı ilə boğazına o qədər qüvvətli şəkildə basıb ki, Kərimli boğulmağa başlayıb.
Zorakı əməllər bir saata yaxın davam edib, bundan sonra ona təzyiqə son qoyulub.
Daha sonra o, DİN-in hospitalına aparılıb, burada tibbi müayinədən keçirilib. Kərimliyə "ciddi problemlərin olmadığı", daxili orqanların zədələnmədiyi bildirilib, bundan sonra onu evə aparıblar.
Kərimli bildirib ki, Azərbaycanın demokratik gələcəyi uğrunda siyasi mübarizəsini davam etdirəcək və bu mübarizədə həyatından keçməyə hazırdır.
O, xalqı birliyə və birgə mübarizəyə çağırıb.
Amma Kərimli müsahibəsini yekunlaşdıra bilməyib, belə ki, aparıcı Sevinc Osmanqızının bildirdiyinə görə, AXCP liderinin İnterneti kəsilib. Kərimlinin sağ gicgahında sarğı var idi. -0-
***
Yeni saxlanılanlar
Saat 23:00 radələrində AXCP funksioneri Fuad Qəhrəmanlı və partiya sədrinin müşaviri Məmməd İbrahim saxlanılıb. Onlar metronun "28 May" stansiyası qarşısında saxlanılıblar. Qəhrəmanlı burada müxalifət tərəfdarları qarşısında partiya rəhbərliyini müvəqqəti olaraq üzərinə götürdüyünü bəyan edib.
Bundan yarım saat əvvəl o, facebook-da yazıb ki, Əli Kərimli bu gün sərbəst buraxılmasa sabah saat 11:00-da onun evi qarşısında yığıncaq təyin edilir.
Qəhrəmanlı və İbrahim Nəsimi rayon polis idarəsinə aparılıb. Saxlanılan fəal Fatimə Mövlamlı da oraya aparılıb. Həmçinin, Siyasi Məhbusların Monitorinqi Mərkəzinin rəhbəri Elşən Həsənov saxlanılıb. -0-
***
Arif Hacılı azad edilib, Əli Kərimli haqqında heç bir məlumat yoxdur
Arif Hacılı Nəsimi rayon polis idarəsindən buraxılıb. O, jurnalistlərə bildirib ki, idarədə bir neçə fəalı görüb, amma onu Kərimlinin yanına buraxmayıblar və AXCP lideri haqqında heç nə deməyiblər. Ona bildiriblər ki, çoxları tezliklə sərbəst buraxılacaq. Bundan sonra polis saxlanılan yoldaşlarının taleyini öyrənməyə gələn 100-ə yaxın müxalifətçini Nəsimi rayon polis idarəsinin binasından uzaqlaşdırıb.
Müsavat lideri Arif Hacılı saxlanılıb
AXCP lideri Əli Kərimlinin və müxalifətin aksiyasının digər iştirakçılarının saxlanılmasına etiraz etmək məqsədilə Nəsimi rayon polis idarəsinin binasının önünə gələn Müsavat Partiyasının başqanı Arif Hacılı da saxlanılıb. O, Nəsimi rayon polis idarəsinin binasına aparılıb.
AXCP-nin məlumatına görə, binada 50-yə yaxın insan var. -0-
***
Əli Kərimlinin taleyi naməlum olaraq qalır
-
- Foto sessiyalar
- 19 Oktyabr 2019 21:02
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz