Azərbaycan prezidenti İlham Əliyev Türkiyədə prezident seçkilərinin ilkin nəticələri açıqlandıqdan sonra baş nazir Recep Tayyip Erdoğana zəng edib və onu qələbəsi münasibətilə təbrik edib.
Söhbət zamanı İlham Əliyev və Recep Tayyip Erdoğan ölkələrimiz arasında bütün sahələrdə strateji əməkdaşlığa, dost və qardaş münasibələrə əsaslanan uğurlu inkişafın bundan sonra da davam edəcəyindən əminliklərini bildiriblər, xəbəri Azərbaycan prezidentinin mətbuat xidməti yayıb.
Qeyd etmək lazımdır ki, tərəflər 2003-cü ildə İlham Əliyevin hakimiyyətə gəldiyi gündən etibarən bütün seçkilərdə bir-birini qələbə münasibətilə kifayət qədər operativ şəkildə təbrik ediblər.
Türkiyə MSK-nın məlumatına görə, Erdoğan seçkilərdə 52% səslə qələbə qazanıb. Türkiyənin 12-ci prezidentinin inauqurasiyası avqustun 28-nə təyin edilib. -0-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz