Əliyev-Paşinyan görüşünün baş tutmaması ABŞ-da “sülh yolunda irəliləyiş” kimi qiymətləndirilir
Əliyev-Paşinyan görüşünün baş tutmaması ABŞ-da “sülh yolunda irəliləyiş” kimi qiymətləndirilir
Bazar ertəsi Birləşmiş Ştatlar bildirib ki, Azərbaycan və Ermənistan arasında sülh müqaviləsinə nail olunması üzərində işləməyə davam edir, bu barədə Turan-ın Vaşinqtondakı müxbiri xəbər verib.
Bəyanat Bakı və Yerevanın Londonda iki ölkə liderinin görüşünün baş tutmamasında bir-birini ittiham etməsindən bir neçə gün sonra səslənib. Bu, sülh prosesi yolunda maneə olub.
“Ermənistan və Azərbaycan sülh müqaviləsinə gedən yolda böyük irəliləyiş əldə etməyə davam edir və biz bu prosesi dəstəkləmək qətiyyətindəyik”, deyə Dövlət Departamentinin rəsmi nümayəndəsi Metyu Miller gündəlik brifinqdə Turan-ın suallarına cavabda bildirib.
Mətbuat katibi Aİ-nin Ermənistanın Avropa Sülh Fondundan dəstəklənməsi haqqında sonuncu qərarı - Bakının “səhv və təhlükəli” adlandırdığı addımla bağlı şərh verməkdən çəkinib.
Aİ-nin bəyanatında deyilir ki, 10 milyon avroluq yardım Ermənistan SQ-nin maddi-texniki potensialının artırılması, həmçinin böhran vəziyyətlərində və fövqəladə vəziyyətlərdə mülki əhalinin müdafiəsinin yaxşılaşdırılmasına kömək məqsədilə ayrılıb.
Siyasət
-
“Biz Azərbaycanı beynəlxalq insan hüquqları öhdəliklərinə əməl etməyə və haqsız yerə həbs edilmiş bütün şəxsləri azad etməyə çağırmaqda davam edirik”. Bu barədə ABŞ-ın Azərbaycandakı səfirliynin Azərbaycanda Milli Mətbuat və Jurnalistika Günü ilə bağlı açıqlamasında deyilir.
-
Bazar ertəsi Birləşmiş Ştatlar Rusiya məhkəməsinin hərbi senzura haqqında qanunların pozulmasına görə 6,5 il müddətinə həbsə məhkum etdiyi “Azadlıq Radiosu”nun jurnalisti Alsu Kurmaşeva barəsində hökmü pisləyib.
-
Bazar ertəsi Birləşmiş Ştatlar Moskva rəsmilərinin Gürcüstanın hakim partiyasına hakimiyyəti əlində saxlaması üçün “köməyini” təklif etməsindən sonra Rusiyanın Gürcüstanda seçkilərə müdaxilə etmək cəhdlərini “diqqətlə müşahidə etdiyini” bildirib, xəbəri Turan-ın Vaşinqtondakı müxbiri verib.
-
Azərbaycan Xarici İşlər Nazirliyi Avropa İttifaqı Şurasının Ermənistana Avropa Sülh Fondu çərçivəsində 10 milyon avro məbləğində hərbi yardım verilməsi barədə qərarını pisləyib Fransa tərəfindən Ermənistanın “Bastion” çoxməqsədli zirehli avtomobilləri və “Sezar” özüyeriyən artilleriya qurğuları ilə təchiz edilməsi istiqamətdə atılan addımlardan sonra, Avropa İttifaqının Ermənistana hərbi yardım göndərməsi qərarı olduqca yanlış və təhlükəli addımdır və regionda gərginliyin artmasına xidmət edir. Avropa İttifaqı tərəfindən bu kimi fəaliyyətlər açıq şəkildə birtərəfli və qərəzli xarakter daşıyır, bölgədə “bölücü xətlər” yaratmaq siyasətinin təzahürüdür. Bu barədə Azərbaycan Xarici İşlər Nazirliyinin mətbuat katibi Ayxan Hacızadə sözü gedən qərarı şərh edərək bildirib.
Rəy yaz