Açiq mənbələrdən foto.
Bakı/02.07.20/Turan: Cümə axşamı prezident İlham Əliyev Rusiya prezidenti Vladimir Putinə zəng edib və konstitusiyaya düzəlişlərlə bağlı referendumun yekunları ilə əlaqədar onu təbrik edib.
Əliyev səsvermənin yekunlarını “ölkə vətəndaşlarının Prezident Vladimir Putinin həyata keçirdiyi siyasətə verdikləri dəstəyin növbəti təzahürü” kimi dəyərləndirib, deyə Azərbaycan prezidentinin mətbuat xidmətinin məlumatında bildirilir.
İki ölkə lideri həmçinin Azərbaycan və RF arasında strateji tərəfdaşlığın inkişafı məsələlərini müzakirə ediblər, deyə məlumatda qeyd edilir.
Xatırladaq ki, RF Konstitusiyasına düzəlişlər Putinin prezident seçilməsi ilə bağlı məhdudiyyətləri aradan qaldırır.
Bu arada, RF əhalisinin böyük hissəsi bu düzəlişlərin əleyhinə səs verib, bütün müxalifət liderləri isə referendumda saxtalaşdırmalar olduğunu bildiriblər. -02D-
Siyasət
-
İstintaq təcridxanasında III Respublika Platforması İdarə Heyətinin üzvü Ruslan İzzətlinin vəziyyəti pisləşib. Bu barədə onun xanımı Günel Manaflı bildirib.
-
Avropa İttifaqının 12 ölkəsinin xarici işlər nazirləri Gürcüstandakı hadisələrlə bağlı Avropa İttifaqının xarici işlər və təhlükəsizlik siyasəti üzrə ali nümayəndəsi Jozep Borelə, həmçinin Avropa İttifaqının qonşuluq siyasəti və genişlənmə üzrə komissarı Oliver Varhelyiyə müraciət ediblər.
-
Mayın 13-də Bakının Xətai Rayon Məhkəməsində Turan agentliyinin iqtisadi xəbərlər şöbəsinin redaktoru Hafiz Babalının "İki sahil" qəzetinə qarşı iddiası üzrə proses başa çatıb. Prosesə Sahibə Hacıyeva sədrlik edib.
-
Demokratik.az saytının rəhbəri Osman Nərimanoğlu (Rzayev) istintaq təcridxanasında müddətsiz aclıq elan edib. O, qanunsuz həbsinə və hökmdən apellyasiya şikayətinə qeyri-obyektiv baxılmasına etiraz edir.
Rəy yaz