Əliyev qonşuları tərəfindən tanınmayan Maduronu təbrik edib
Azərbaycan Prezidenti İlham Əliyev Nikolas Maduro Morosa məktub göndərərək, onu Venesuelanın rəhbəri vəzifəsinə “yenidən seçilməsi” münasibətilə təbrik edib.
Əliyev Azərbaycan-Venesuela münasibətlərinin bundan sonra da uğurlu olacağına ümidvar olduğunu bildirib.
Qeyd edək ki, Venesuelaya qonşu olan Çili, Argentina, Peru, Kosta-Rika və Uruqvay kimi ölkələr Maduru seçkilərin nəticələrini saxtalaşdırmaqda günahlandırıb və onu prezident kimi tanımaqdan imtina ediblər.
Bu arada Venesuela müxalifəti ordunu seçkilərin nəticələrini növbəti dəfə saxtalaşdıran qəsbkar Maduronu hakimiyyətdən uzaqlaşdırmağa çağırıb.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz