Əliyev və Hüseyn birbaşa aviasiya əlaqəsinin açılması da daxil olmaqla, Azərbaycan-İraq əməkdaşlığı məsələlərini müzakirə ediblər

Bakı/05.07.23/Turan: Bu gün Azərbaycan prezidenti İlham Əliyev Qoşulmama Hərəkatının Əlaqələndirici Bürosunun konfransında iştirak etmək məqsədilə Bakıda səfərdə olan İraqın baş nazirinin müavini, xarici işlər naziri Fuad Hüsseyni qəbul edib.

Söhbət zamanı ölkələrimizin beynəlxalq təşkilatlarda, o cümlədən Qoşulmama Hərəkatı, İslam Əməkdaşlıq Təşkilatı, OPEC+ formatı çərçivəsində uğurla əməkdaşlıq etdikləri bildirilib.

Görüşdə ikitərəfli münasibətlərin müxtəlif istiqamətlərdə inkişaf perspektivləri, o cümlədən enerji və turizm sahələrində əməkdaşlıq, iqtisadi-ticari əlaqələrin genişləndirilməsi məsələləri ilə bağlı fikir mübadiləsi aparılıb. Xüsusilə turizm sahəsində əlaqələrin COVID-19-dan əvvəlki dövrdəki uğurlu dinamikaya uyğun olaraq genişləndirilməsi, İraqın və Azərbaycanın müxtəlif şəhərləri arasında birbaşa hava reyslərinin açılması, sərmayələr, kənd təsərrüfatı sahələrində əməkdaşlıq məsələləri müzakirə olunub. Həmçinin rəsmi və biznes nümayəndə heyətlərinin qarşılıqlı səfərlərinin önəmi qeyd edilib. 06В