Əliyev və Radaev Azərbaycan qazının Avropaya nəqli məsələsini müzakirə ediblər

Bakı/11.03.23/Turan: Martın 11-də Azərbaycan prezidenti İlham Əliyev Bakıda səfərdə olan Bolqarıstan prezidenti Rumen Radev ilə videokonfrans formatında görüşüb.

Görüşün videokonfrans formatında keçirilməsinə səbəb Bolqarıstan nümayəndə heyətinin üzvlərində COVID-19 testinin nəticəsinin pozitiv çıxmasıdır, bu barədə Azərbaycan prezidentinin mətbuat xidmətinin məlumatında deyilir.

Rumen Radaev X Qlobal Forumda iştirak etmək üçün Bakıya gəlib.

Bolqarıstan prezidentini salamlayan Əliyev energetika sahəsində əməkdaşlıqdan və digər sahəlrədə münasibətlərin dərinləşməsindən məmnunluğunu bildirib.

Cavab sözündə Radaev deyib ki, İlham Əliyevin bu yaxınlarda Sofiyaya səfərindən sonra ikitərəfli münasibətlərin inkişafı təkcə enerji sahəsinə şamil edilmir.

Yunanıstan-Bolqarıstan interkonnektorunun işə salınması sayəsində Azərbaycan qazı fasiləsiz olaraq Bolqarıstana daxil olur.

"Bilirsiniz ki, biz daha da irəli getməyə hazırıq. Bizim “Həmrəylik Həlqəsi” təşəbbüsümüz Sizə məlumdur. Lakin əlbəttə ki, əsas məqam Azərbaycandır. Biz Bolqarıstan, Rumıniya, Macarıstan və Slovakiyanın qazötürücü operatorlarının imkan və səylərini birləşdirərək əlavə həcmdə Azərbaycan qazı nəql etməyə hazırıq. Bu andan etibarən qərar Sizindir", deyə Radaev bildirib.

O qeyd edib ki, fevralın 1-də Bolqarıstan və Serbiya arasında interkonnektora start verilib və Azərbaycan qazını Avropaya nəql etmək üçün imkan var.

Daha sonra tərəflər enerji, nəqliyyat, təbii qaz təchizatı, kənd təsərrüfatı və digər sahələrdə əməkdaşlıqla bağlı məsələləri müzakirə ediblər.

Rumen Radev Əliyevi ölkəsinə rəsmi səfərə dəvət edib. 0