![Əliyevlərin Azərbaycanın müstəqilliyinə aidiyyatı yoxdur � Əli Kərimli](https://turan.az/resized/media/2017/main/051100001274-750-500-resize.webp)
Əliyevlərin Azərbaycanın müstəqilliyinə aidiyyatı yoxdur � Əli Kərimli
Bakı/11.05.17/Turan: “İlham Əliyevin son çıxışında müxalifətin ünvanına dedikləri bir neçə il öncə dediyi yalanların təkrarıdır. Görünür, İ.Əliyevə elə gəlir ki, yalanı çox təkrarlayanda və ya tirajlayanda onu həqiqət donuna bürümək mümkün olur”. Bu barədə Xalq Cəbhəsi Partiyasının sədri Əli Kərimli dövlət başçısının mayın 10-da rəsmi çıxışında işlətdiyi təhqiredici ifadələri Turan-a şərh edərkən bildirib.
Bütün problemləri başqasının üstünə yıxmaq cəhdləri əbəsdir. Məhz Heydər Əliyevin altı rayonu ermənilərə təhvil verdiyinin milyonlarla şahidi var, Şuşa və Laçın isə xalq Cəbhəsi hökuməti hakimiyyətə gələnə qədər işğal edilmişdi.
“Xalq Cəbhəsinin hakimiyyəti dövründə Dağlıq Qarabağ ərazilərinin 40%-i, Ağdərə rayonu işğaldan azad olunub.
Bizim hakimiyyət zamanı yalnız Kəlbəcər işğal edilib və bu da Rusiyanın yardımı ilə olub və bunda məqsəd də Xalq Cəbhəsni hakimiyyətdən devirmək idi.
Həmin çevriliş nəticəsində hakimiyyətə gələn Heydər Əliyevin hakimiyyəti zamanı 6 rayon işğal olundu və Ağdərə yenidən itirildi. Odur ki, bu yaxın tarixdə baş verənləri saxtalaşdırmaq heç İ.Əliyevin gücündə olan məsələ deyil”, deyə Əli Kərimli qeyd edib.
Yaxşı olardı ki, bunun əvəzinə İ.Əliyev 2016-cı ilin aprelində ordunun zəfər yürüşünü dayandırmasının izahını versin: “Özü çıxışlarının birində deyib ki, ermənilərin xahişini nəzərə alaraq bu yürüş dayandırılıb və bu da maraqlıdır ki, erməni tərəfin xahişi nə zamandan Azərbaycan Silahlı Qüvvələri Ali Baş Komandanı üçün bu qədər önəmli olub?”, deyə Kərimli istehza edib.
Əliyevin müxalifətin xarici pula satılan “beşinci kolon” və xalq düşməni olduğu haqqında ifadələrinə toxunan Kərimli deyib ki, öz vətəndaşlarına qarşı bu anormal münasibət ölkə rəhbərliyinin düşünülmüş siyasətidir və bu siyasət məhz dövlətin birinci şəxsi tərəfindən formalaşdırılıb.
Bundan başqa, Əliyevin çıxışına psixoloji nöqteyi-nəzərdən də baxmaq lazımdır. “O, özündə nə yoxdursa, ondan danışır. Azərbaycanın müstəqilliyi uğrunda mübarizədə nə İ.Əliyev, nə atası, nə indiki hökumətin üzvləri iştirak etməyiblər. Bunu məhz Əliyevin bu gün “xalq düşməni” adlandırdığı insanlar edib. O, hakimiyyətə miras olaraq yiyələnib. Odur ki, bizlərə antimilli deməklə özünə təskinlik vermək istəyir”, deyə Kərimli fikrini tamamlayıb. -05D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz