E.Məmmədyarov: İşğalçı qoşunlar ən qısa zamanda Azərbaycan ərazilərindən çıxarılmalıdır

Qoşunların təmas xəttində son hadisələr Qarabağ probleminə “dondurulmuş münaqişə” anlayışının tətbiq edilməsinin qeyri-mümkün olduğunu göstərdi, bu barədə Azərbaycan XİN rəhbəri Elmar Məmmədyarov bildirib. Onun fikrincə, “tezliklə həllini tələb edən münaqişə” anlayışından istifadə daha yerinə düşərdi.

Bu gün Azərbaycan, RF və İran XİN rəhbərlərinin üçtərəfli görüşünün başa çatmasından sonra keçirilən mətbuat konfransında Məmmədyarov ötən lin ortalarında Lavrovun münaqişənin tənzimlənməsi üzrə irəli sürdüyü təkliflər üzərində işin davam etdirildiyini bildirib.

“Biz Sergey Lavrovun ötən ilin ortalarında irəli sürdüyü təkliflər üzərində işləyirik. Kimlərsə bunu dondurulmuş münaqişə adlandırır. Amma bu, ən qısa zamanda həllini tələb edən münaqişədir”, deyə Məmmədyarov bildirib.

Məmmədyarov erməni silahlı qüvvələrinin işğal edilmiş ərazilərdən çıxarılmasını tənzimlənmənin dəyişməz şərti hesab edir. Bundan sonra təhlükəsizliyin təmin edilməsi və digər məsələlərə baxıla bilər. -06D-