Şərq Tərəfdaşlığı Milli Platforması Qarabağda döyüşlər haqqında

Şərq Tərəfdaşlığı Azərbaycan Milli Platforması Qarabağ cəbhəsində döyüş qarşıdurmaları ilə bağlı bəyanat yayıb.

Müəlliflər xatırladırlar ki, 1993-cü il aprelin əvvəllərindən və sonrakı beş ay ərzində Ermənistan Rusiyanın dəstəyi ilə Azərbaycan ərazilərinin 20%-ni işğal edib.

Bu tarixdən 23 il sonra, 2016-cı il aprelin 2-də intensiv döyüş qarşıdurmaları bərpa edilib. Ermənilərin təxribatı nəticəsində 31 Azərbaycan hərbiçisi həlak olub. Şərq Tərəfdaşlığı Proqramının Vətəndaş Cəmiyyəti Forumunun Azərbaycan Milli Platforması BMT TŞ-nin qətnamələrinin, ATƏT-in və digər beynəlxalq təşkilatların qərarlarının yerinə yetirilməsi üçün Ermənistana təzyiq göstərməyə çağırır.

Qarabağ münaqişəsinin nizamlanmasının yeganə yolu Ermənistan silahlı qüvvələrinin Azərbaycan ərazilərindən çıxarılmasıdır.

Qarabağ problemi beynəlxalq hüquq çərçivəsində region sabit sülh bərpa edilməklə həll edilməlidir.

Platforma 2009-cu ildə yaradılıb, onun məqsədi Azərbaycanın Aİ-nin eyniadlı proqramında iştirakına, ölkənin Avrointeqrasiyaya nail olmasına dəstək verməkdir. Hazırda Platformanın tərkibinə Azərbaycanın 49 ictimai birliyi daxildir.  -0-