Açıq Hökümət Tərəfdaşlığı beynəlxalq təşəbbüsündə Azərbaycanın statusu tam hüquqlu üzvdən fəaliyyətsiz ölkə səviyyəsinə endirilə bilər. Bu barədə bu gün təşkilatın İdarə Heyətinin Azərbaycan vətəndaş cəmiyyətindən üzvü Qubad İbadoğlu bildirib.
Onun sözlərinə görə, mayın 3-4-də Açıq Hökümət Tərəfdaşlığı beynəlxalq idarə heyətinin Cənubi Afrika Respublikasının Keyptaun şəhərindəki toplantısında müzakirə olunacaq.
Bu təşəbbüsün Meyarlar və Standartlar Altkomitəsi fevralın sonunda keçidiyi toplantıda Azərbaycanda və digər üzv ölkələrdə mövcud durumu müzakirə edərək həmin ölkələrin Açıq Hökümət Tərəfdaşlığında tam hüquqlu statusunun fəaliyyətsiz ölkə statusuna endirilməsinə dair tövsiyyə ilə qurumun İdarə Heyətinə müraciət edib.
Alt Komitənin bu qənaətə gəlməsinin səbəbi Azərbaycanın götürdüyü öhdəliklərə vaxtında əməl etməməsi və eyni zamanda vətəndaş cəmiyyətinin son durumu olub, deyə Qubad İbadoğlu bildirib.
2011-ci ildə ABŞ Dövlət Departamenti artıq beynəlxalq "açıq hökumət" yaradılması təşəbbüsü irəli sürüb. Bu təşəbbüs ABŞ prezidentinin dəstəyini alıb.
"Açıq hökumət" ABŞ və bir sıra Avropa dövlətlərində vətəndaşların, vətəndaş cəmiyyəti institutların dövlət idarəetmə və dövlət tənzimlənməsi proseslərinə ictimai nəzarət imkanı yaradılması məqsədilə dövlətin sənədlərinə və hərəkətlərinə çıxış hüququnu dəstəkləyən dövlət idarəetmə doktrinası kimi qəbul edilib. OGP dövlət idarəetməsi kimi böyük sosial sistemin səmərəliliyinin artırılması mexanizmlərindən biri kimi qiymətləndirilir. -08D-
İqtisadiyyat
-
Azərbaycan 27 noyabr 2024-cü ildə verilmiş prezident fərmanına əsasən, azad edilmiş ərazilərdə kənd təsərrüfatı torpaqlarının icarəyə verilməsini sadələşdirmək, investisiyaları cəlb etmək və kənd təsərrüfatının məhsuldarlığını artırmaq məqsədilə yeni qaydalar tətbiq edib.
-
Asiya İnkişaf Bankı (AIB) Azərbaycan pərakəndə ticarət sektorunu dəstəkləmək üçün 10,5 milyon dollar ayırdı və bu, ölkənin iqtisadi modernləşməsinə davamlı dəstəyində növbəti addım oldu. Bu investisiyalar Azərbaycanın iqtisadiyyatını şaxələndirmək və dayanıqlı inkişafın əsas sütunlarından biri olan kiçik və orta sahibkarlığı (KOS) gücləndirmək istiqamətində daha geniş məqsədlərinə uyğun gəlir.
-
Bu gün Milli Məclisin iclasında Azərbaycanın deputatları 2025-ci il üçün minimum yaşayış səviyyəsinin artırılmasını nəzərdə tutan qanun layihəsini birinci oxunuşda müzakirə edib və təsdiqləyiblər. Yenilənmiş rəqəmlər 10 manatlıq mülayim artımı əks etdirir və ölkə üzrə yaşayış minimumu 285 manat olaraq müəyyən edilib. Xüsusi əhali qrupları üçün bu göstəricilər 305 manat (işləyən əhali üçün), 232 manat (pensionerlər üçün) və 246 manat (uşaqlar üçün) təşkil edir. Eyni iclasda gələn il üçün ehtiyac meyarı da 285 manat məbləğində təsdiq edilib ki, bu da milli yaşayış minimumu ilə eyni səviyyədədir.
-
Bu il Avstraliyanın Fortescue Future Industries (FFI) holdinqinin Azərbaycanda "yaşıl" layihələrin inkişafına dair planları yenidən tənzimlənib, lakin iki il əvvəl başlayan danışıqlar davam edir, Turan-a məlumatlı mənbə bildirib.
Rəy yaz