![Emin Hüseynovun İsveçrəyə getməsinə icazə verilib](https://turan.az/resized/media/2015/main/061300119282-750-500-resize.webp)
Emin Hüseynovun İsveçrəyə getməsinə icazə verilib
Jurnalist və hüquq müdafiəçisi Emin Hüseynov şənbə gününə keçən gecə İsveçrənin Bakıdakı səfirliyini və Azərbaycanı tərk edə bilib. İsveçrənin Zurder Zeitung qəzetinin məlumatına görə, E.Hüseynov Bakıdan xarici işlər naziri Didye Burkhalterin müşayiətilə çıxıb, bu ölkənin XİN-i bildirib.
Mənbənin məlumatına görə, D.Burkhalter Avropa Oyunlarının açılış mərasiminə yalnız bu şərtlə gəlib.
Xatırladaq ki, E.Hüseynov 10 aydır ki, İsveçrə səfirliyində gizlənmişdi. Belə ki, hakimiyyət ona qarşı cinayət işi qaldırıb və həbs etmək istəyirdi.
Onlarla digər hüquq müdafiəçisi kimi ona qarşı dələduzluq, vergidən yayınma və s. ittihamlar irəli sürülüb.
Diplomatik mənbələrə görə, E.Hüseynovun azadlığa buraxılmasından öncə Azərbaycan hakimiyyəti ilə uzun danışıqlar aparılıb, dəqiq deəsk, Burkhalter prezident İlham Əliyevlə şəxsi danışıqlar aparıb.
Hazırda E.Hüseynova sentyabra qədər viza verilib. Bundan sonra o, sığınacaq istəyib-istəməmək məsələsini özü həll edəcək. Bu barədə İsveçrə hakimiyyətinin nümayəndəsi bildirib.
E. Hüseynov Avropa Oyunları ərəfəsində beynəlxalq təşkilatlar tərəfindən azad olunması tələb edilən vətəndaş cəmiyyəti fəallarından biridir.-02D-
-
- Foto sessiyalar
- 13 İyun 2015 16:09
Siyasət
-
Dekabrın 26-da Bakı Ağır Cinayətlər Məhkəməsində fəal Rail Abbasovun işi üzrə prosesində vəkil Elçin Sadıqov son sözlə çıxış edib.
-
İstintaq getdiyi bir vaxtda Aktau yaxınlığındakı aviaqəzanın səbəbləri ilə bağlı fərziyyələr irəli sürmək doğru deyil, bu barədə cümə axşamı RF prezidentinin mətbuat katibi Dmitri Peskov bildirib.
-
Fransanın Bakıdakı səfirliyi dekabrın 26-da milli matəm günündə Azərbaycanla həmrəylik əlaməti olaraq Avropa İttifaqı və Fransa bayraqlarını endirib. Bu barədə Fransa səfirliyinin X sosial şəbəkəsindəki hesabında yer alan məlumatda bildirilir.
-
Bakı hava limanında AZAL-ın Bakı-Qroznı reysini yerinə yetirən təyyarəsinin qəzaya uğraması nəticəsində həlak olanların xatirəsinə lövhə quraşdırılıb.
Rəy yaz