Bakı/29.04.19/Turan: Emin Milli "Meydan" TV online resursun rəhbəri postundan istefa verdiyini bildirib. O deyib ki, üç ay ərzində işləri təhvil verərək öz vəzifəsini tərk edəcək. E.Milli eyni şəxsin uzun müddət vəzifədə qalmasını düzgün hesab etmir. Bu barədə "Meydan" TV-nin saytında dərc edilmiş məlumatda deyilir. Onun fikrincə, heç kim öz postunda 5 ildən çox qalmamalıdır.
"Liderlər özlərində cəsarət tapıb yerini daha gənc, bilikli, operativ işləyən kadrlara verməlidir", E.Milli bildirib.
"Liderin ən böyük uğuru odur ki, öz postunu tərk etdikdən sonra qalan komandası bu işi onsuz da davam etdirə bilsin", - o vurğulayıb.
O hesab edir ki, "Meydan"TV Azərbaycanda ən uğurlu media layihələrdən biridir.
"Bu, həbsxanada olan Əfqan Muxtarlının və işgəncələrə məruz qalan Şirinin uğurudur. Bizimlə çalışan və adlarını açıqlaya bilmədiyim bütün qəhrəmanların uğurudur. Və bu uğur bu illər ərzində bizi dəstəkləyən hər kəsindir", - E.Milli qeyd edib.
O deyib ki, gələcək fəaliyyətilə bağlı hələlik düşünməyib. "İş axtaracağam və Azərbaycan üçün, xalqımız, cəmiyyətimiz, dövlətimiz üçün necə faydalı ola biləcəyimi düşünəcəyəm", - o vurğulayıb.
"Meydan" TV 2013-ci ildə Berlində Emin Milli tərəfindən təsis edilib. Bu resurs Azərbaycan hakimiyyətini sərt tənqid edən mövqeyilə tanınıb.
"Meydan" TV-yə qarşı cinayət işi qaldırılıb. Onunla online əməkdaşlıq edən jurnalistlər təzyiqlərə və təqiblərə məruz qalıb. Onların bəzisi ölkəni tərk etməyə məcbur olub. Ona yaxın jurnalistin xaricə səfərinə qadağa qoyulub.
"Meydan" TV-də hakimiyyətin ali eşelonlarında korrupsiya ilə bağlı yazı dərc etdirən Əfqan Muxtarlı Gürcüstanda oğurlanaraq gizli şəkildə Azərbaycana gətirilib və burada 6 il azadlıqdan məhrum edilib. 2017-ci ildə sayt Azərbaycan ərazisində bloklanıb.
Təxminən bir il əvvəl "Meydan" TV razılaşdırılmış mitinqlərin keçirilməsinə görə müxalifəti təndiq etdikdən sonra E.Milli və Demokratik Qüvvələrin Milli Şurası arasında polemika başlayıb.
E.Millinin mart əfvindən sonra Azərbaycan prezidentinə təşəkkür etməsi də müxalifət düşərgəsində birmənalı qarşılanmayıb. Hətta bəziləri buna hakimiyyətlə "razılaşma" kimi baxıb. -06D--
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz