Açiq mənbələrdən foto.
Energetika, nəqliyyat, hərbi sənaye Bakı və Belqrad arasında əməkdaşlığın mühüm elementləridir
Bakı/21.12.22/Turan: Energetika və nəqliyyat əlaqələri Azərbaycan və Serbiya arasında əməkdaşlığın mühüm tərkib hissəsidir. Son dövrlər enerji sektoru xüsusi əhəmiyyət qazanıb, çünki Azərbaycan Avropaya neft və qaz tədarük edir, gələn ildən isə Serbiyaya elektrik enerjisi tədarük edəcək. Bu barədə İlham Əliyev dekabrın 21-də prezident Serbiya prezidenti Aleksandr Vuçiçlə danışıqları başa çatdıqdan sonra bildirib.
O, həmçinin xatırladıb ki, bir neçə gün əvvəl Azərbaycandan elektrik enerjisinin Avropaya çatdırılması haqqında müvafiq saziş imzalanıb. "Bütün bunlar yeni imkanlar, yeni üfüqlər açır və biz bu sahədə, əlbəttə ki, ikitərəfli formatda və çoxtərəfli formatda əməkdaşlıq edəcəyik", deyə Əliyev bildirib.
Öz növbəsində, prezident Vuçiç İlham Əliyevə isti qəbulu üçün təşəkkür edib və deyib ki, Azərbaycanın uğurları Serbiyanı sevindirir.
Onun sözlərinə görə, Serbiyanın nümayəndə heyəti hazırki səfər çərçivəsində hərbi sənaye və texnologiyalar sahəsində əməkdaşlıqla bağlı bir sıra mühüm danışıqlar aparır. O, həmçinin bildirib ki, nümayəndə heyəti müdafiə sənayesi naziri Mədət Quliyevlə ətraflı danışıqlar aparıb. 02D
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz