Açiq mənbələrdən foto.
Bakı/26.08.21/Turan: Bu il avqustun 25-də Azərbaycan hərbi qulluqçusu Cəmil Babayev Mardakert (Ağdərə) şəhərindəki mənzillərdən birində aşkar edilib və saxlanılıb. Bu barədə Ermənistan KİV-lərinin məlumatında deyilir.
Babayevə qarşı “sərhədi qanunsuz keçmə” və “casusluq” ittihamı ilə cinayət işi açılıb.
“Sputnik Armeniya”nın məlumatına görə, Cəmil Babayev şəhərdə yerləşən evlərdən birinə daxil olub, həmin vaxt evdə iki yeniyetmə var idi, onlardan yemək və siqaret istəyib. “Onu doyurublar, daha sonra yeniyetmələrdən biri siqaret almaq üçün mağazaya gedəcəyini deyib. Evdən çıxan oğlan özünü itirməyib və polisə zəng edib”, deyə məlumatda qeyd edilir.
Maraqlıdır ki, Ermənistan KİV-lərinin nümayiş etdirdiyi forma hərbiçi forması deyil.
Öz növbəsində, Azərbaycan Müdafiə Nazirliyi müddətindən artıq hərbi xidmətdə olan Cəmil Babayevin Gəncədəki hospitalın psixiatriya şöbəsini özbaşına tərk etdiyini bildirib. Onun Rusiya sülhməramlılarının nəzarəti altında olan əraziyə keçdiyi ehtimal olunur. -02D-
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz