Prezident İlham Əliyev.
Ermənilər işğal edilmiş rayonlara dəyən ziyana görə kompensasiya ödəyəcəklər – İlham Əliyev
Bakı/17.11.20/Turan: Noyabrın 16-da dövlət başçısı 44 günlük müharibə zamanı işğaldan azad edilmiş Füzuli və Cəbrayıl rayonlarında səfərdə olub.
Əliyev həmçinin İranla sərhəddə yerləşən Xudafərin körpüsünə baş çəkib və Cəbrayılda Azərbaycan bayrağını qaldırıb.
Mətbuat üçün qısa bəyanatında Əliyev qeyd edib ki, ermənilər Füzulidə və Cəbrayılda bir salamat ev və ya başqa bir tikili qoymayıblar. Hər şey dağıdılıb və yandırılıb, Füzuli və Cəbrayıl şəhərləri yoxdur, deyən prezident kameralara Cəbrayıl viranələrini göstərib.
Biz hər şeyi bərpa edəcəyik və buraya həyat qayıdacaq. Bu gün Kəlbəcərdə də ermənilər buradakı kimi vandalizm törədirlər – evləri yandırırlar, ağacları kəsirlər, infrastrukturu məhv edirlər. Düşünməsinlər ki, bu, cəzasız qalacaq. Biz məhv edilmiş əmlaka görə kompensasiya tələb edəcəyik və onun ödənilməsinə nail olacağıq, deyə Əliyev qeyd edib. -02D-
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz