Açiq mənbələrdən foto.
Bakı/22.08.23/Turan: Avqustun 21-i saat 22:50-dən avqustun 22-si saat 02:05-dək Ermənistan silahlı qüvvələrinin bölmələri Azərbaycan Ordusunun Naxçıvanın Sədərək rayonunun Qaraağac və Laçın rayonunun Minkənd yaşayış məntəqələri istiqamətlərində yerləşən mövqelərini müxtəlif çaplı atıcı silahlardan fasilələrlə atəşə tutub
Azərbaycan Müdafiə Nazirliyindən verilən məlumata görə, Azərbaycan Ordusunun bölmələri qeyd olunan bütün ərazilərdə cavab tədbirləri həyata keçirib.
Bundan əlavə, press-relizdə daha sonra deyilir ki, avqustun 22-də saat 06:15-dən 07:20-dək Qarabağdakı erməni silahlı birləşmələri Tərtər, Xocalı və Ağdam rayonları istiqamətində Azərbaycan Ordusunun mövqeləri qarşısında fortifikasiya qurğuları yaratmağa cəhd göstərib. .
Azərbaycan ordusunun bölmələri tərəfindən görülən tədbirlər nəticəsində aparılan işlərin dayandırıldığı qeyd edilir.
Ermənistan Müdafiə Nazirliyi göstərilən istiqamətlərdə atışmaların olması barədə xəbərləri təkzib edir.-06B--
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz