Bakı/17.06.23/Turan: Şənbə günü Ermənistan baş nazirinin müavini Mher Qriqoryan Azərbaycan baş nazirinin müavini Şahin Mustafayevə Ermənistanla Azərbaycan arasında sərhədin delimitasiyası üzrə komissiyaların iclasının keçirilməsi təklifini göndərib. Bu barədə Ermənistan hökumətinin mətbuat xidməti məlumat yayıb.
Belə bir görüşün məqsədi “Ermənistan-Azərbaycan sərhədində gərginliyə səbəb olan cari problemlərin müzakirəsidir”.
Görüşün yeri açıqlanmayıb. Bundan əvvəl Qriqoryanla Mustafayev arasında görüşlər Moskvada keçirilib.
Qeyd edək ki, bir neçə gündür ki, sərhədin müxtəlif hissələrində atışmalar gedir. Azərbaycan sərhədçisinin Ermənistan tərəfinin açdığı atəş nəticəsində yaralanmasından sonra vəziyyət kəskin şəkildə gərginləşib. Bu, iyunun 15-də Laçın sərhəd-keçid məntəqəsinin yerləşdiyi körpünün girişində sərhədçilər Azərbaycan bayrağını qaldırdığı vaxt baş verib. -0-
Siyasət
-
Noyabrın 14-də Britaniya Parlamentinin İcmalar Palatasında “Akademik Azadlıq və Azərbaycanın Enerji Sənayesində Korrupsiya” mövzusunda dinləmələr keçirilib. Qlobal Şahid (Global Witness) təşkilatının Qlobal Maqnitski Ədalət Kampaniyası ilə əməkdaşlıq şəraitində keçirilən tədbirə Britaniya Parlamentinin üzvü, parlamentdə partiyalararası Korrupsiyaya Qarşı Mübarizə Qrupunun sədri Joe Powell moderatorluq edib.
-
Aİ-nin Xarici Əlaqələr və Təhlükəsizlik Xidmətinin rəhbəri Jozep Borrel Azərbaycan rəhbərinin COP29 konfransında Avropa ölkələrinə və şəxsən Borrelə qarşı səsləndirdiyi ittihamları rədd edib.
-
Cümə axşamı prezident İlham Əliyev COP29 iqlim konfransında iştirak etmək üçün Bakıya gələn Avropa Şurasının Baş katibi Alen Berseni qəbul edib.
-
Noyabrın 14-də Avropa İnsan Hüquqları Məhkəməsi (AİHM) Azərbaycanla bağlı qərarları açıqlayıb. Qərarlara görə, Azərbaycan höküməti təqribən 40 min avro cərimə ödəməlidir.
Rəy yaz