Ermənilər Xocalı aeroportunu işçə salmaq istəyir

Bakının etiraz və hədələrinə baxmayaraq erməni tərəf bu il yayın əvvəlində Xocalı aerportunu işə salmaq istəyirlər. Bu haqda Turana ATƏT-ə yaxın diplomatik mənbə bildirib.

Bu səbəb üzündən ATƏT-in Minsk qrupu vasitəçiləri tərəfləri vəziyyəti gərginləşdirəcək və döyüş əməliyyatlarının başalmasına səbəb olacaq addımlar atmaqdan çəkindirməyə çalışırlar. 

Mənbənin bildirdiyinə görə ATƏT və Qərb bütünlükdə İrəvanı bu addımı atmamağa məcbur etmək, eləcə də Bakını aeroporta və mülki təyyarələrə zərbə endirməkdən çəkindirmək imkanları yoxdur.

Indiki halda Minsk qrupu ölkələrinin liderlərinə və vasitəçilərinə münaqişə tərəflərinin ata biləcəyi addımları, habelə, irimiqyaslı müharibə başladığı halda öz atacağı addımları hesablamaq qalır.        

Həmin mənbənin fikrincə, bu məsələ ilə bağlı beynəlxalq birliyin vahid xətt və konsepsiyası yoxdur. Amma belə fikir var ki, Ermənistan vəziyyəti bilərəkdən gərginləşdirməklə Azərbaycanın gözlənilməz zərbə endirmək imkanını əlindən almaq istəyir. 

Qeyd etmək lazımdır ki, bu məsələ üçüncü müddət prezidentliyə namizədliyini  irəli sürmək niyyətində olan Ilham Əliyev üçün mühüm əhəmiyyətə malikdir.     

Əgər Xocalı aerportunun işləməsinə imkan versə bu onun reytinqinə zərbə olar. Amma vəziyyətin gərginləşdirilməsi onun populyarlığını artırar.-02B-