Ermənistan Azərbaycan Silahlı Qüvvələrinin yeni hücumunu gözləyir

Yerevan/04.05.16/Turan-Armİnfo: «Azərbaycanın Qarabağa növbəti hücumu zaman məsələsidir», - erməni politoloq Riçard Kirakosyan bildirib. O, Azərbaycan qüvvələrinin cəbhənin üç istiqamətində cəmləşməsini təsadüfü hesab etmir və yaxın günlərdə və ya həftələrdə hücum proqnozlaşdırır.

«Azərbaycana bunu etməyə imkan verməyəcək heç nə və heç kim yoxdur.  Bakı son döyüşlərin yekunlarını qələbə kimi qiymətləndirir, ancaq yeni hücum apreldəki kimi güclü olmayacaq», - o qeyd edib.

«Azərbaycan Silahlı Qüvvələri belə ciddi hücuma başlamaq üçün o qədər də hazır deyil və silahlanmayıb", - o hesab edir. Kirakosyanın sözlərinə görə, «mülki əhaliyə ziyan vurmaq üçün» şimal və cənubdan hücum gözləmək olar.

Diplomatik vəziyyət dəyişərək Ermənistan üçün təhlükəli olub. Əsasən ABŞ və Fransanın Minsk Qrupunun işinə yetərincə cəlb edilməməsi və Rusiyanın Ermənistana  «xəyanəti» real təhlükə sayılır.

MDB Ölkələri İnstitutunun Ermənistan filialının direktoru Aleksandr Markarov da Qarabağda gərginliyin artacağını proqnozlaşdırır. O, "Azərbaycan Silahlı Qüvvələrinin cəbhədə cəmləşməsi məhz bundan xəbər verir", - deyərək "mayın 9-da hücum olacaqmı" sualının cavabından yayınıb.

Markarov hesab edir ki, nizamlanma üzrə danışıqlar dondurulacaq və onların davam etdirilməsi üçün təmas nöqtəsi  və tərəflər üçün məqbul təkliflər  lazımdır ki, indi bunlar yoxdur.

"Bunlar ya Kazan təklifləri, ya da yenilənmiş və təkmilləşdirilmiş Madrid prinsipləri ola bilər. Lakin bu mərhələdə danışıqların davamı üçün zəmin yoxdur", - o qeyd edib.

Ermənistanın Qarabağın müstəqilliyini tanıması və ya onun Ermənistana qoşulması münaqişənin başqa səviyyəyə keçməsi demək olacaq", - o bildirib və genişmiqyaslı müharibənin başlana bilməsinə işarə edib.

Bu arada rusiyalı ekspert Sergey Markedonov Ermənistanın keçmiş prezidenti Levon Ter-Petrosyanın təcrübəsini yada salıb. Belə ki, vaxtilə o, mərhələli nizamlanmanın qəbulunu təklif etmişdi. İstisna deyil ki, Ter-Petrosyanın müəyyən  "Qarabağ" işləmlərinə indi ehtiyac olacaq.

"Qeyd etmək lazımdır ki, bu şərtlər dəqiqləşdirilir və təkcə Yerevanda deyil, onun hüdudlarından kənarda da müəyyənləşdirilir», - o vurğulayıb.

"Blitskriq baş tutmadı, lakin Azərbaycan ordusu da Qarabağa zərbə zamanı dağılmadı. Bunun üzərinə Moskvanın ehtiyatlı, balanslaşdırılmış mövqeyini və eyni dərəcədə Qərbin mövqeyini, həm də   Ankara ilə Bakının həmrəyliyini əlavə etsək bu fonda ermənilər vəziyyəti qiymətləndirməyə bilməz», - Markedonov bildirib.-02D-