Ermənistan götürdüyü öhdəliklərdən yayınmaq üçün Aİ-nin monitorinq missiyasından istifadə edir

Bakı/24.01.23/Turan: "Avropa İttifaqı missiyasının Ermənistanda yerləşməsinin müvafiq qaydada Azərbaycanın legitim maraqlarını nəzərə alması, habelə Aİ tərəfindən bu missiyanın fəaliyyətinin qarşılıqlı inam və etimadı sarsıtmayacaq şəkildə həyata keçirilməsi təmin edilməlidir". Bu barədə Azərbaycan XİN-in mətbuat xidmətinin Avropa İttifaqı Şurasının Ermənistanla sərhədə müşahidə missiyası göndərmək qərarı ilə bağlı şərhində deyilir. 

Aİ-nin Ermənistan ərazisində monitorinq fəaliyyəti 2022-ci il oktyabrın 6-da Azərbaycan, Ermənistan, Fransa liderləri və Aİ Şurasının sədri arasında keçirilmiş Praqa görüşündə əldə olunmuş razılaşmadan irəli gələrək mülki monitorinq missiyasının yerləşməsi ilə başlayıb. Azərbaycan normallaşma prosesinə kömək göstərəcəyinə inanaraq, bu fəaliyyətin həyata keçirilməsinə razılıq verib.

Bəzi Aİ üzv dövlətlərinin qərəzli yanaşma sərgiləməsindən sonra monitorinq missiyasının fəaliyyəti "Praqada əldə edilmiş razılaşmalarla ciddi ziddiyyət təşkil etdiyi" müşayiət olunub.

Aİ-nin Ermənistanda monitorinq missiyasının mövcudluğu Ermənistan tərəfindən bütün istiqamətlərdə normallaşma prosesini "pozmaq" cəhdlərinin artması ilə üst-üstə düşüb. Beləliklə, Aİ missiyasının normallaşma gündəliyinin irəli aparılmasına töhfə verəcəyi ilə bağlı ilkin gözləntilər sarsılıb.

Azərbaycan tərəfindən Aİ nümayəndələri ilə müxtəlif səviyyələrdə keçirilmiş bir sıra məsləhətləşmələrdə Aİ-nin Ermənistanda missiyasının mövcudluğunun "Ermənistanın üzərinə götürdüyü öhdəlikləri yerinə yetirməkdən boyun qaçırması üçün bəhanəyə çevrilməməsinin zəruriliyi" bildirilib.

Aİ missiyasının mövcudluğunun hazırkı dialoq mexanizmlərinə qarşı sui-istifadəsi "təhlükəlidir və bundan çəkinilməlidir", deyə Azərbaycan XİN-in şərhində qeyd edilir. 02D