Ermənistan müxalifəti sərhədin delimitasiyasına dair razılaşmaları pozmağa çalışır
Son günlər Qazaxın Ermənistanla həmsərhəd kəndlərində əhali etiraz aksiyaları keçirərək, 90-cı illərin əvvəllərində ermənilər tərəfindən işğal olunmuş ərazilərin Azərbaycana qaytarılması prosesini pozmağa çalışır.
4 kəndin qaytarılması haqqında razılaşma Ermənistan və Azərbaycan arasında sərhədin delimitasiyası üzrə ikitərəfli komissiyanın 19 aprel tarixli sonuncu iclasında əldə olunub.
Artıq qismi delimitasiya həyata keçirilib və aprelin 25-də hər iki tərəf 20 sərhəd dirəyinin yerləşdirildiyini bildirib. Lakin müxalifətçilər sərhəddə yerləşən kəndlərə gedir və Azərbaycanla razılaşmaları pozmaq üçün əhalini kütləvi etirazlara sövq edirlər.
Bəzi hissələrdə erməni hərbiçiləri minatəmizləmə işləri aparırlar. Qeyri-rəsmi məlumatlara görə, bir çox istehkamçılar Paşinyanın siyasətinə qarşı etiraz əlaməti olaraq bundan imtina edir.
Polis Ermənistanın müxtəlif yerlərində müxalifətçiləri, o cümlədən bir sıra deputatları saxlayıb.
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz