Müdafiə Nazirliyi Naxçıvan istiqamətində Azərbaycan mövqelərinin atəşə tutulduğunu bildirir
Müdafiə Nazirliyi Naxçıvan istiqamətində Azərbaycan mövqelərinin atəşə tutulduğunu bildirir
Ötən gün Azərbaycan Müdafiə Nazirliyi iki dəfə Naxçıvan MR istiqamətində Azərbaycan ərazilərinin atəşə tutulduğu haqqında məlumat yayıb.
Belə ki, avqustun 15-i saat 18:10 radələrində Azərbaycan Ordusunun Naxçıvan Muxtar Respublikasının Ordubad rayonunun Gənzə yaşayış məntəqəsi istiqamətində yerləşən mövqeləri Ermənistan silahlı qüvvələrinin bölmələri tərəfindən atıcı silahlardan atəşə tutulub.
Avqustun 16-sı saat 03:20 radələrində Ermənistan silahlı qüvvələrinin bölmələri Azərbaycan Ordusunun Naxçıvan Muxtar Respublikasının Sədərək rayonu istiqamətində yerləşən mövqelərini atıcı silahlardan atəşə tutub.
Hər iki halda Azərbaycan Ordusunun bölmələri tərəfindən adekvat cavab tədbirləri görülüb, deyə Azərbaycan MN bildirir.
Öz növbəsində, Ermənistanın Müdafiə Nazirliyi Naxçıvan ərazisinə atəş açıldığı haqqında məlumatları təkzib edib.
Siyasət
-
Avqustun 16-da Naxçıvan Dövlət Universitetinin Beynəlxalq Məktəbində “Ətraf mühitin gücləndirilməsi: Maarifləndirmə və hüquq-mühafizə tədbirlərinin rolu” ECOLEAD layihəsi çərçivəsində “Ekoloji su hüquqpozmalarının iqlim dəyişikliyinə təkan verməsi” mövzusunda elmi-praktik konfrans keçirilir.
-
Britaniya deputatları Azərbaycanı saxta pul saxlamaq ittihamı ilə həbsdə olan iqtisadçı alim Qubad İbadoğlunu azad etməyə çağırıblar, xəbəri theguardian.com yayıb. Hüquq müdafiə qrupları və siyasi xadimlər ittihamların siyasi motivli olduğunu iddia edirlər, belə ki, İbadoğlu Azərbaycan hökumətinin məşhur tənqidçisidir.
-
1 saylı Bakı İstintaq Təcridxanasının tibb-sanitar hissəsində saxlanılan ictimai fəal, 1-ci qrup əlil Famil Xəlilov avqustun 15-dən aclığa başlayıb. O, qanunsuz həbsinə və fiziki imkanları məhdud olduğu üçün əziyyət çəkdiyinə etiraz edir.
-
Avqustun 15-də Tbilisi Apellyasiya Məhkəməsi ekstradisiya məqsədi ilə həbs edilmiş AzelTV saytının rəhbəri Əfqan Sadıqov barəsində həbs qətimkan tədbrinin dəyişdirilməsi və ya girov müqabilində azadlığa buraxılması ilə bağlı şikayəti qəbuledilməz hesab edib.
Rəy yaz