Энтони Блинкен
Bakı/25.01.21/Turan: Ermənistan tərəfi Qarabağ münaqişəsinin sülh yolu ilə nizamlanmasında və Qarabağın statusunun müəyyən edilməsində ABŞ-ın rolunu yüksək qiymətləndirir. Bu barədə Ermənistan Təhlükəsizlik Şurasının katibi Armen Qriqoryanın ABŞ prezidentinin milli təhlükəsizlik üzrə müşaviri Ceyk Sallivana bu vəzifəyə təyin olunması münasibətilə təbrik məktubunda deyilir.
"Ermənistan Amerika Birləşmiş Ştatları ilə demokratiya, insan hüquqları və qanunun aliliyi prinsiplərinə əsaslanmış ikitərəfli münasibətlərə böyük əhəmiyyət verir.
Biz həmçinin ABŞ-ın ATƏT-in Minsk Qrupunun həmsədri kimi Dağlıq Qarabağ münaqişəsinin sülh yolu ilə nizamlanmasında və Dağlıq Qarabağın statusunun yekun müəyyən edilməsində rolunu yüksək qiymətləndiririk.
Əminəm ki, ABŞ-ın səyləri regionda ümumi sabitliyin və təhlükəsizliyin bərqərar olmasında effektiv rol oynayacaq", - RİA Novosti məktubun mətnindən sitat gətirir.
Xatırladaq ki, bundan öncə Entoni Blinken təhlükəsizlik və iqtisadi artım sahəsində Ermənistana yardım göstərilməsinin vacibliyini bildirib.
Entoni Blinken həmçinin bildirib ki, o, Qarabağ münaqişəsinin uzunmüddətli nizamlanması yollarının axtarılması üzrə ABŞ-ın səylərinə yeni təkan verəcək. O qeyd edib ki, qərar Dağlıq Qarabağın təhlükəsizliyinə zəmanət verməli, yeni müharibənin başlanmasını istisna etməlidir. ABŞ ATƏT-in Minsk Qrupunun həmsədri kimi öz iştirakını gücləndirməli və "üçüncü tərəflərin mümkün müdaxiləsinin qarşısını almalıdır".
Onun sözlərinə görə, yeni administrasiya təhlükəsizlik sahəsində Azərbaycana yardıma yenidən baxacaq və zərurət yarandığında Konqresin 1992-ci ildə qəbul etdiyi 907-ci düzəlişə düzəlişi bərpa edəcək. Azadlığa dəstək haqda qanuna bu düzəliş erməni lobbiçiləri tərəfindən qəbul edilib. Düzəliş "Dağlıq Qarabağa qarşı təcavüz səbəbindən" Azərbaycana hökumət yardımının göstərilməsini qadağan edirdi. 2001-ci ildə Senat bu qətnaməni dondurdu, belə ki, o zaman Əfqanıstanda hərbi əməliyyatlar üçün amerikalılara Azərbaycanın hava məkanı lazım idi.. -02D-
Siyasət
-
Çeçenistan, Baki-Qroznı marşrutu üzrə hərəkət edən Embraer 190 təyyarəsinin qəzaya uğraması ilə əlaqədar 28 dekabr tarixində matəm günü elan edəcək. Çeçen lideri Ramzan Kadırov tərəfindən imzalanmış fərman yerli "Çeçenya Today" xəbər agentliyi tərəfindən bildirilib.
-
Ukrayna Prezidenti Vladimir Zelenski Azərbaycan xalqına başsağlığı verib
-
Ağ Ev cümə günü bildirib ki, prezident Co Bayden Qazaxıstanda AZAL təyyarəsinin qəzaya uğraması ilə bağlı vəziyyətlə və “baş verənlər barədə məlumatlandırılır”, Turan-ın müxbiri Vaşinqtondan xəbər verir.
-
Plastik cərrahiyyə fəaliyyətinə dair saxta sertifikatların verilməsinə görə Səhiyyə Nazirliyinin məmurlarına cinayət işi açılıb. Bu barədə Baş Prokurorluq və Səhiyyə Nazirliyinin 27 dekabr tarixli birgə məlumatında deyilir.
Rəy yaz