Checkpoint
Ermənistan və Türkiyə "Marqara" sərhəd nəzarət- keçid məntəqəsinin açılması üzrə iş aparırlar
Bakı/11.04.23/Turan: Erməni tərəfi bu ilin yayına qədər Türkiyə ilə sərhəddə "Marqara" nəzarət-keçid məntəqəsinin texniki təchizatı üzrə iş aparır, “Sputnik-Armeniya” bildirib.
Ermənistan parlamentinin vitse-spikeri, Türkiyə ilə danışıqlarda xüsusi nümayəndə Ruben Rubinyan jurnalistlərə deyib ki, Türkiyə tərəfi öz sahəsində analoji işlər apardığını bildirir.
Söhbət üçüncü ölkələrin vətəndaşları üçün sərhədin açılmasından gedir. Bundan öncə deyilirdi ki, tərəflər turizm mövsümünün qızğın çağında sərhədi açmaq istəyirlər.
Siyasətçi bildirib ki, hələlik iki ölkənin xüsusi nümayəndələri arasında danışıqların yeni raundu planlaşdırılmır. Əldə edilmiş razılaşmalar var və hazırda onların reallaşması üzrə işlər gedir.
Bu ilin fevralında razılaşdırıldığı kimi, iki ölkənin sərhədində Ani körpüsünün bərpasından danışan Rubinyan deyib ki, iş hələ başlamasa da, məsələ qüvvədədir. Vitse-spiker planların həyata keçirilməsi yolunda hər hansı maneənin olacağını düşünmür Ən azından erməni tərəfindən heç bir maneə yoxdur.
Xüsusi nümayəndə həmçinin bildirib ki, danışıqlar zamanı Azərbaycanla sülh müqaviləsinin tezliklə imzalanması üçün Türkiyə tərəfindən heç bir təzyiq olmayıb.
Məlum olduğu kimi, Ankara Ermənistan-Türkiyə münasibətlərinin normallaşmasını daim Azərbaycan amililə əlaqələndirir.—0
Siyasət
-
Transparency International-in 2024-cü il Korrupsiya Qavrayışı İndeksi (CPI) korrupsiyanın dünya üzrə davam edən problemlərdən biri olduğunu bir daha vurğulayır və onun idarəetmə, iqtisadi inkişaf və iqlim tədbirləri üzərində dağıdıcı təsirini önə çəkir. CPI 180 ölkəni ictimai sektorda korrupsiyanın qavranılma səviyyəsinə görə qiymətləndirərək 0 (çox korrupsiyalaşmış) ilə 100 (çox şəffaf) arasında bal verir. Son hesabat qlobal ortalama göstəricinin 43 olduğunu və illərdir dəyişmədiyini göstərir. Üstəlik, ölkələrin üçdə ikisindən çoxu 50-dən aşağı bal alıb ki, bu da korrupsiyanın dünya miqyasında ciddi və hələ də həll olunmamış problem olaraq qaldığını sübut edir.
-
"Nezıqar" teleqram kanalının yaydığı məlumata görə, RF Təhlükəsizlik Şurasında müvafiq idarələrin iştirakı ilə "Bakı tərəfindən yaradılan, ölkələr arasında bağlanmış müqavilələrə və sazişlərə, o cümlədən 2022-ci il tarixli Qarşılıqlı Müttəfiqlik Fəaliyyəti haqqında Müqaviləyə zidd olan təcavüzkar gərginliyə" cavab tədbirləri variantları nəzərdən keçirilir.
-
Ötən həftə Azərbaycanda daha iki məşhur jurnalist həbs olunub. Şahnaz Bəylərqızı son aylar həbs edilmiş səkkizinci qadın jurnalist oldu.
-
Moskva Ermənistan və Azərbaycanın münasibətlərin uzunmüddətli tənzimlənməsi demək olan sülh müqaviləsi işləyib hazırlamasının tərəfdarıdır. Bu barədə RF XİN başçısının müavini Mixail Qaluzin "İzvestiya"ya müsahibəsində bildirib.
Rəy yaz