![Ermənistan Xarici İşlər Nazirliyi: Noyabrın 30-da Ermənistan-Azərbaycan sərhədində delimitasiya komissiyalarının görüşü olacaq](https://turan.az/resized/news/2023/PSGwHu8BKepT4JvWV3clKzC3e9nbWZOHeC5hciJj-750-500-resize.webp)
Ermənistan Xarici İşlər Nazirliyi: Noyabrın 30-da Ermənistan-Azərbaycan sərhədində delimitasiya komissiyalarının görüşü olacaq
Ermənistan Xarici İşlər Nazirliyi: Noyabrın 30-da Ermənistan-Azərbaycan sərhədində delimitasiya komissiyalarının görüşü olacaq
Bakı/23.11.23/Turan: Ermənistan və Azərbaycanın delimitasiya komissiyaları noyabrın 30-da iki ölkənin dövlət sərhədində görüşəcəklər. Bu barədə cümə axşamı Ermənistan Xarici İşlər Nazirliyinin mətbuat katibi Ani Bədəlyan bildirib.
"İlkin razılaşmaya əsasən, noyabrın 30-da Ermənistanla Azərbaycanın dövlət sərhədində delimitasiya və sərhəd təhlükəsizliyi komissiyalarının növbəti görüşü keçiriləcək", - o deyib.
Bundan öncə Azərbaycan Xarici İşlər Nazirliyi öz bəyanatında belə görüşün iki ölkənin sərhədində keçirilməsini və sülh müqaviləsinin bağlanmasına dair məsələlərin müzakirəsini təklif edib. Buna cavab olaraq Ermənistan Xarici İşlər Nazirliyi dövlət sərhədinin delimitasiyası üzrə komissiyaların nümayəndələrinin görüşünün keçirilməsini təklif edib.
Hələlik rəsmi Bakı görüşün noyabrın 30-da olacağını təsdiqləməyib. Görüşün harada keçiriləcəyi də aydın deyil. -0-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz